15ఏళ్లు పూర్తి చేసుకున్న నాగచైతన్య.. ‘తండేల్’ పోస్టర్ రిలీజ్

దిశ, సినిమా: యువ సామ్రాట్ నాగ చైతన్య 2009లో ‘జోష్’ సినిమా ఇండస్ట్రీ ఎంట్రీ ఇచ్చాడు. మొదటి మూవీతోనే మంచి హిట్ అందుకున్న అక్కినేని హీరో.. మోస్ట్ సక్సెస్ ఫుల్ యాక్టర్‌గా ఎదిగి, స్ట్రాంగ్ ఇంపాక్ట్‌ని చూపించారు. విలక్షణమైన పాత్రలలో నటించి మెప్పించిన చైతూ తెలుగు ఫిల్మ్ ఇండస్ట్రీలో అడుగుపెట్టి నేటికి 15 సంవత్సరాలు పూర్తయింది. ఈ సందర్భంగా.. నాగ చైతన్య నటిస్తున్న మోస్ట్ ఎవైటెడ్ మూవీ ‘తండేల్’ నుంచి బ్రాండ్ న్యూ పోస్టర్‌ను విడుదల చేశారు మేకర్స్. ఈ పోస్టర్‌లో సముద్రం దగ్గర ఫిషింగ్ బోట్ మీద నిలబడి హార్ట్ ఫుల్ స్మైల్‌తో దర్శనమిచ్చి కట్టిపడేశాడు చైతూ.

కాగా.. చందూ మొండేటి దర్శకత్వం వహిస్తున్న ఈ చిత్రాన్ని అల్లు అరవింద్ సమర్పణలో ప్రతిష్టాత్మక గీతా ఆర్ట్స్ బ్యానర్‌పై బన్నీ వాసు గ్రాండ్‌గా నిర్మిస్తున్నారు. నిజ జీవితంలో జరిగిన సంఘటనల ఆధారంగా ఈ సినిమా రూపొందుతున్న ఈ మూవీ షూటింగ్ హైదరాబాద్‌లో శరవేగంగా జరుగుతోంది. ఇందులో నాగచైతన్య సరసన సాయి పల్లవి హీరోయిన్‌గా నటిస్తుంది.