Naga Chaitanya: ఉడిపిలో నాగచైతన్య ‘తండేల్’

దిశ,వెబ్ డెస్క్: యువ సామ్రాట్ అక్కినేని నాగ చైతన్య హీరోగా తెరకెక్కుతున్న సినిమా ‘తండేల్’. ఈ సినిమాకి చందూ మొండేటి దర్శకత్వం వహిస్తున్నారు. అల్లు అరవింద్ సమర్పణలో తెరకెక్కుతోన్న ఈ సినిమాను బన్నీ వాసు నిర్మిస్తున్నారు. ఈ సినిమా రెగ్యులర్ షూటింగ్‌ను ఉడిపిలో ప్రారంభించారు. నాగ చైతన్యతో పాటు ఫైటర్స్‌పై యాక్షన్ సీక్వెన్స్ తీస్తున్నారు. ఈ చిత్రంలో మత్స్యకారుడిగా నటించడానికి చైతూ బీస్ట్ మోడ్‌‌లోకి మారారు. కండలు తిరిగిన దేహం కోసం గత కొన్ని నెలలుగా ఆయన కష్టపడ్డారు. పొడవాటి జుట్టు, గడ్డంతో రగ్గడ్ లుక్‌లో నాగ చైతన్య కనిపిస్తారు.యదార్థ సంఘటనల ఆధారంగా తెరకెక్కుతున్న ఈ సినిమాలో నాగ చైతన్య సరసన సాయి పల్లవి హీరోయిన్‌గా నటిస్తున్నారు. నాగచైతన్యతో సాయిపల్లవి కలిసి నటించడం ఇది రెండోసారి. ఇప్పటికే వీరిద్దరి కాంబినేషన్‌లో ‘లవ్ స్టోరీ’ లాంటి సూపర్ హిట్ మూవీ వచ్చింది. ఇప్పుడు ‘తండేల్’ కోసం మరోసారి జతకట్టారు.