పెళ్లి కాకుండానే ధూమ్ దామ్‌గా నాగచైతన్య బరాత్.. నెటిజన్ల రియాక్షన్ ఏంటంటే?

దిశ, సినిమా: అక్కినేని హీరో నాగచైతన్య ప్రజెంట్ ‘తండేల్’ చిత్రంతో బిజీగా ఉన్నాడు. గీతా ఆర్ట్స్ బ్యానర్‌పై నిర్మాత అల్లు అరవింద్ పాన్ ఇండియా లెవల్లో దాదాపు రూ. 75 కోట్లతో రూపొందిస్తున్నారు. చందు మొండేటి దర్శకత్వంలో తెరకెక్కుతున్న ఈ సినిమాపై అక్కినేని ఫ్యాన్స్‌తో పాటు ప్రేక్షకుల్లో కూడా భారీ అంచనాలు ఉన్నాయి. ఇదిలా ఉంటే.. నాగచైతన్య బరాత్‌కు సంబంధించిన ఓ వీడియో ప్రజెంట్ నెట్టింట వైరల్‌గా మారింది.

నాగచైతన్య సమంతతో విడాకులు అనంతరం... తాజాగా నటి, మోడల్ శోభిత ధూళిపాళను ఎంగేజ్‌మెంట్ చేసుకున్న సంగతి తెలిసిందే. అయితే.. నాగచైతన్య, శోభిత ధూళిపాళ పెళ్లి డేట్ మాత్రం ఇంకా ఫిక్స్ చెయ్యలేదు. కానీ, తాజాగా నాగచైతన్య బరాత్‌కు సంబంధించిన ఓ వీడియో వైరల్‌గా మారింది. అయితే.. పెళ్లి కాకుండా బరాత్ ఏంటీ అనుకుంటున్నారా. తాజాగా నాగచైతన్య ఓ షాపింగ్ ఓపెనింగ్‌కు వెళ్లాడు. హైదరాబాద్‌లో ఉన్న ఈ షాప్ పెళ్లి వస్త్రాలకు సంబంధించింది కావడం విశేషం. దీంతో పెళ్లి కొడుకును బరాత్‌లో ఊరేగించినట్లు ధూమ్ దామ్‌గా ఊరేగిస్తూ.. నాగచైతన్యను లోపలికి తీసుకెళ్లారు యజమానులు. ప్రజెంట్ ఇందుకు సంబంధించిన వీడియో వైరల్ అవుతుండగా.. నిజంగా బరాత్‌లాగే ఉందని కొందరు అంటుంటే.. సమంతకు సపోర్ట్‌గా మరికొందరు మెసేజ్‌లు చేస్తున్నారు.