Naga Babu : మా ఇంట్లో అంతమంది ఉన్నా నాకెవ్వరూ చాన్స్ ఇవ్వదలేదంటున్న నాగ‌బాబు
సంతోష్ శోభన్, గౌరి జి.కిషన్ హీరో హీరోయిన్‌గా నటిస్తున్న తాజా చిత్రం ‘శ్రీదేవి శోభ‌న్‌బాబు’
దిశ, సినిమా: సంతోష్ శోభన్, గౌరి జి.కిషన్ హీరో హీరోయిన్‌గా నటిస్తున్న తాజా చిత్రం 'శ్రీదేవి శోభ‌న్‌బాబు'. ప్రశాంత్ కుమార్ దిమ్మల ద‌ర్శక‌త్వంలో గోల్డ్ బాక్స్ ఎంట‌ర్‌టైన్మెంట్ బ్యాన‌ర్‌పై సుష్మిత కొణిదెల, విష్ణు ప్రసాద్ దీనిని నిర్మిస్తున్నారు. ఫిబ్రవ‌రి 18న విడుద‌ల కానున్న ఈ మూవీ ప్రీ రిలీజ్ ఈవెంట్‌ను హైద‌రాబాద్‌లో నిర్వహించారు. ఈ కార్యక్రమంలో నటుడు నాగ‌బాబు, హీరో సంతోష్ శోభన్, హీరోయిన్ గౌరి జి.కిషన్, నిర్మాత‌లు సుస్మిత కొణిదెల, విష్ణు ప్రసాద్, డైరెక్టర్ ప్రశాంత్ దిమ్మల, ఎగ్జిక్యూటివ్ ప్రొడ్యూస‌ర్ శ‌ర‌ణ్య త‌దిత‌రులు పాల్గొన్నారు. రిలీజ్ ట్రైల‌ర్‌, బిగ్ టికెట్‌ను ఆవిష్కరించారు. ఇందులో బాగంగా మెగా బ్రద‌ర్ నాగ‌బాబు ఆస‌క్తిక‌ర కామెంట్స్ చేశాడు. ''మా ఇంట్లో చాలా మంది హీరోలున్నారు కానీ ఎవ్వరూ ఎప్పుడూ నాకు చాన్స్ ఇవ్వలేదు. ఒక్క క్యారెక్టర్ కూడా ఇవ్వలేదు. కానీ సుస్మిత మాత్రం 'శ్రీదేవి శోభన్ బాబు' మూవీతో పాటు, తాను తీస్తున్న మరో వెబ్‌సిరీస్‌లో కూడా మంచి క్యారెక్టర్ ఇచ్చింది'' అన్నాడు. అయితే నాగ‌బాబు స‌ర‌దాగానే ఈ మాట అన్నప్పటికీ టాలీవుడ్‌లో ఆసక్తికరంగా మారాయి.