Mukesh Ambani: ముఖేష్ అంబానీ ఇంటి చెఫ్&డ్రైవర్ క్వాలిఫికేషన్, నెల జీతం ఎంతో తెలిస్తే నోరెళ్లబెట్టాల్సిందే?

దిశ, సినిమా: భారతదేశంలోనే ప్రముఖ వ్యాపారవేత్త, రిలయన్స్ ఇండస్ట్రీస్ లిమిటెస్ సంస్థకు అధ్యక్షుడైన ముఖేష్ అంబానీ గురించి ప్రత్యేకంగా చెప్పాల్సిన అక్కర్లేదు. ప్రపంచవ్యాప్తంగా ఉన్న ధనవంతుల జాబితాలో ఈయన పేరు కూడా ఉంది. ఈయన స్థాపించిన కంపెనీల్లో లక్షలాది మంది జనాలు పని చేస్తారు. అంతేకాకుండా భారీ జీతాలు అందుకుంటున్నారు. ఇకపోతే ముఖేష్ అంబానీ ఇంటి పనివాళ్ల జీతం గురించి సోషల్ మీడియాలో ఓ వార్త వైరల్ అవ్వగా నెటిజన్లు నోరెళ్లబెడుతున్నారు. సామాన్యుడి జీతం కంటే పనివాళ్ల ఆదాయం చాలా రెట్లు ఎక్కువట. జీతాలు మాత్రమే కాకుండా కార్పొరేట్ జాబర్‌కు ఉన్న సౌకర్యాలు కూడా అందిస్తున్నారట ముఖేష్.

మరీ పనివాళ్లు అంటే ఏదో నార్మల్ పర్సన్స్ కాదండోయ్. అంబానీ ఇంట్లో చెఫ్‌గా జాబ్ పొందాలంటే డిప్లొమా, డిగ్రీ అయినా ఉండాలట. ప్రస్తుతం ముఖేష్ అంబానీ ఇంట్లో 500 మందికి పైగా పనివాళ్లు ఉన్నారట. ఒక డ్రైవర్ జీతం లక్షల్లో ఉంటుందట. చెఫ్ జీతం చూసినట్లైతే ఏకంగా 2 లక్షల రూపాయలు కావడం నిజంగా షాకింగ్ విషయం అని చెప్పుకోవచ్చు. అయితే అంబానీ ఇంటికి డ్రైవర్ గా వెళ్లాలన్నా, చెఫ్‌గా వెళ్లాలన్నా అందుకోసం ఎగ్జామ్స్ పెడుతారట. కేవలం వీరికి మాత్రమే కాకుండా ఏ పనివాళ్లకైనా ఎగ్జామ్స్ నిర్వహిస్తారట.

ఇకపోతే ఇటీవలే అంబానీ చిన్న కుమారుడి పెళ్లి అంగరంగ వైభవంగ చేసిన విషయం తెలిసిందే. చరిత్రలో నిలిచిపోయేలా అనంత్ అంబానీ-రాధిక మర్చంట్ వివాహం కోట్లలో ఖర్చు పెట్టి జరిపించారు. వీరి వివాహానికి వ్యాపారవేత్తలు, సినీ సెలబ్రిటీలు హాజరై తెగ సందడి చేశారు. టాలీవుడ్, బాలీవుడ్ నటీనటులు కూడా హాజరై స్పెషల్ అట్రాక్షన్‌గా నిలిచారు. ఇప్పటికి కూడా అనంత్ అంబానీ-రాధిక మర్చంట్ పెళ్లి సందడి ఫొటోలు నెట్టింట ట్రెండింగ్‌లో ఉండటం విశేషం.