Mrunal Thakur : నా మొదటి సినిమాను ఇండియాలో ఎవరూ చూడలేదు

దిశ, సినిమా : స్టార్ నటి మృణాల్ ఠాకూర్ ఇండస్ట్రీలోకి అడుగుపెట్టిన తొలినాళ్లలో ఎదుర్కొన్న అనుభవాలను షేర్ చేసుకుంది. అలాగే తన అరంగేట్రం తర్వాత విడుదలైన 'లవ్ సోనియా' మూవీని భారత్‌‌లో ఎవరూ చూడలేదంటూ చెప్పకొచ్చింది. రీసెంట్ ఇంటారాక్షన్‌‌లో భాగంగా.. 'లవ్ సోనియా నా మొదటి చిత్రం. ఆ సినిమాతో నిజంగా ఎమోషనల్‌గా అటాచ్ అయ్యాను. కానీ, ఈ మూవీ విడుదలైనప్పుడు ఇండియాలో ఎవరూ పెద్దగా చూడలేదు. అదే సమయంలో మెల్‌బోర్న్, అమెరికా, ఉజ్బెకిస్తాన్, ఆసియాలోని కొన్ని ప్రాంతాల్లో మాత్రం వెల్లువెత్తాయి. నా సొంత దేశం ఎందుకు ఆదరించలేదనేది పెద్ద ప్రశ్నగానే మిగిలిపోయింది. ఏది ఏమైనా చివరకి ఆ సమయంలో ప్రజలు సినిమా చూసేందుకు సిద్ధంగా లేరని గ్రహించాను. కానీ, ఈ రోజుకు కూడా సోనియా పాత్రలో నన్ను ప్రజలు గుర్తిస్తున్నారు. నేను చేసిన ఒక మంచి మూవీ ప్రజలు మిస్ అయినప్పుడు నాకు బాధగా అనిపిస్తుంది' అంటూ పలు అంశాలను గుర్తు చేసుకుంది.