Mrunal Thakur: సీనియర్ హీరోతో రొమాన్స్ చేయడానికి రెడీ అవుతున్న సీత

దిశ, వెబ్ డెస్క్ : తెలుగు ప్రేక్షకులకు సీతగా పరిచయమయిన బాలీవుడ్ ముద్దుగుమ్మ మృణాల్ ఠాకూర్. సీతా రామం సినిమాలో ఈ భామ అందాలను చూసి కుర్రాళ్ళందరూ ఫిదా అయిపోయారు. సెల్ఫీ అనే బాలీవుడ్ సినిమాలో స్పెషల్ సాంగ్లో గ్లామర్ డోస్ ను అమాంతం పెంచేసింది. సీతలో ఇలాంటి యాంగిల్ కూడా ఉందా అని షాక్ అవుతున్నారు. సీతా రామం సినిమా తర్వాత తెలుగులో వరస ప్రాజెక్ట్స్ ను వస్తున్నాయి. ఇప్పటికే నాని సినిమాకి ఓకె చెప్పిన ఈ ముద్దుగుమ్మ వరుసలో నాగార్జున సినిమా కూడా లైనులో ఉన్నట్టు తెలిసిన సమాచారం.

మరో సీనియర్ హీరో అయిన వెంకటేష్ సినిమాకు కూడా గ్రీన్ సిగ్నల్ ఇచ్చినట్టు తెలుస్తుంది. శైలేష్ కొలను తెరకెక్కిస్తున్న ‘సైంధవ్‌’ సినిమాలో వెంకటేష్ హీరోగా నటిస్తున్నాడు. ఈ సినిమాలో ముగ్గురు హీరోయిన్లను తీసుకోనున్నారు. వీరిలో మృణాల్ ఠాకూర్‌ను ఫైనల్ చేసినట్టు తెలిసిన సమాచారం. త్వరలోనే దీనిపై అధికారికంగా ప్రకటన ఇవ్వనున్నారని తెలుస్తుంది.