టాలీవుడ్ యంగ్‌ హీరోకు నో చెప్పిన మృణాల్ ఠాకూర్‌!?

దిశ, సినిమా: ‘సీతారామం’ సినిమాతో మంచి గుర్తింపు తెచ్చుకున్న హీరోయిన్ మృణాల్ ఠాకూర్‌. ఇప్పుడు భాషతో సంబంధం లేకుండా వరుస చిత్రాలతో దూసుకుపోతుంది. ప్రస్తుతం నానితో ‘హాయ్ నాన్న’ సినిమాలో నటిస్తున్న ఈ అమ్మడు మరో వైపు విజయ్ దేవరకొండతో కలిసి ‘ఫ్యామిలీ స్టార్‌’ సినిమా చేస్తోంది. అలాగే ఒక యంగ్‌ హీరో సినిమాకు కూడా ఓకే చెప్పింది. తెలుగులో మూడు సినిమాలు చేస్తున్న మృణాల్‌కు వీటితో పాటు వరుస ఆఫర్‌లు వస్తున్నాయట. కానీ కొన్ని కనీసం కథ కూడా వినకుండా నో చెప్పిందట. ఇందులో భాగంగా తాజాగా టాలీవుడ్‌‌కు చెందిన ఒక యంగ్‌ హీరో‌కు జోడీగా నటించాలని మృణాల్‌ను ఓ ప్రముఖ నిర్మాత సంప్రదించారట. కానీ ఆ హీరో పేరు చెప్పగానే రిజెక్ట్ చేసిందట. ప్రస్తుతం ఈ వార్త చర్చనీయాంశమైంది.