‘మిస్ శెట్టి మిస్టర్ పోలిశెట్టి’ రిలీజ్ డేట్ ఫిక్స్

దిశ, వెబ్‌డెస్క్: టాలీవుడ్‌ జేజమ్మ అనుష్క గురించి ప్రత్యేకంగా చెప్పనవసరం లేదు. తన అందంతో, నటనతో ఎంతో మంది అభిమానులను సొంతం చేసుకున్న ఈ బ్యూటీ.. బాహుబలి అనంతరం వెండితెరపై కనుమరుగైపోయింది. చాలా లాంగ్ గ్యాప్ తర్వాత.. ఈ అమ్మడు తీస్తున్న సినిమా ‘మిస్ శెట్టి మిస్టర్ పోలిశెట్టి’. పి. మహేష్ కుమార్ దర్శకత్వంలో రూపొందుతున్న ఈ మూవీలో మోస్ట్ టాలెంటెడ్ హీరో నవీన్ పోలిశెట్టి హీరోగా చేస్తున్నారు.

ఈ సినిమా నుంచి ఇప్పటికే రిలీజైన పోస్టర్, టీజర్, సాంగ్స్‌కు మంచి స్పందన లభించింది. దీంతో సినిమాపై భారీ అంచనాలు నెలకొన్నాయి. ఈ క్రమంలో మూవీ ఎప్పుడెప్పుడు వస్తుందా అని ప్రేక్షకులు ఎదురుచుస్తున్నారు. ఈ మేరకు చిత్రం విడుదల డేట్ ఫిక్స్ చేస్తూ ఓ పోస్టర్ రిలీజ్ చేశారు చిత్ర బృందం. ‘మిస్ శెట్టి మిస్టర్ పోలిశెట్టి’ సినిమా వరల్డ్ వైడ్‌గా ఆగష్టు 4న తెలుగు, తమిళ, కన్నడ, మలయాళ భాషల్లో గ్రాండ్ రిలీజ్ చేయనున్నట్లు అఫీషియల్‌గా ప్రకటించారు.

Read More:   రణ్‌బీర్ కపూర్ ‏‘యానిమల్’ రిలీజ్ డేట్ ఫిక్స్