'మైఖేల్' ప్రేక్షకులను సర్ప్రైజ్ చేస్తుంది: రంజిత్ జయకోడి
సందీప్ కిషన్, రంజిత్ జయకోడి కలయికలో వస్తున్న చిత్రం 'మైఖేల్'.
దిశ, సినిమా: సందీప్ కిషన్, రంజిత్ జయకోడి కలయికలో వస్తున్న చిత్రం 'మైఖేల్'. విజయ్ సేతుపతి, వరలక్ష్మీ, కౌశిక్, వరుణ్ సందేశ్, గౌతమ్ మీనన్ కీలక పాత్రలు పోషించారు. కరణ్ సి ప్రొడక్షన్స్ ఎల్.ఎల్.పి మోస్ట్ హ్యాపెనింగ్ ప్రొడక్షన్ హౌస్, శ్రీ వెంకటేశ్వర సినిమాస్ ఎల్.ఎల్.పితో కలిపి భరత్ చౌదరి, పుస్కూర్ రామ్ మోహన్ నిర్మించారు. కాగా ఈ మూవీ ఫిబ్రవరి3న రిలీజ్ కానుండగా రంజిత్ జయకోడి విలేఖరుల సమావేశంలో చిత్ర విశేషాలు పంచుకున్నాడు.
'ఇది నా నాలుగో చిత్రం. యాక్షన్ ఫిల్మ్ చేయాలనే కోరిక దీంతో తీరింది. రొమాంటిక్, యాక్షన్, గ్యాంగ్ స్టార్ డ్రామాను పీరియడ్ ఫిల్మ్ అనొచ్చు. బ్యూటిఫుల్ రొమాంటిక్ లవ్ స్టొరీ. ఐదు భాషల్లో విడుదలవుతున్న చిత్రాన్ని ఆదరిస్తారనే నమ్మకం వుంది. విజయ్ సేతుపతి, వరుణ్ సందేశ్ పాత్రలు ప్రేక్షకులను సర్ప్రైజ్ చేస్తాయి. సందీప్ కిషన్‌తో పనిచేయడం వండర్‌ఫుల్ ఎక్స్‌పీరియన్స్. సినిమా మ్యూజిక్ అద్భుతంగా ఉంటుంది. ప్రేక్షకులు ఎంజాయ్ చేసే వెళ్తారు' అని వివరించాడు.
READ MORE
రేపు వ‌రంగ‌ల్‌కు వాల్తేరు వీర‌య్య యూనిట్‌.. గ్రాండ్‌గా సక్సెస్ ఈవెంట్