త్వరలో మెగాస్టార్ చిరంజీవి బయోగ్రఫీ.. స్టార్ రైటర్‌కు బాధ్యతలు

దిశ, డైనమిక్ బ్యూరో: మెగాస్టార్ చిరంజీవి జీవిత చరిత్ర త్వరలో పుస్తక రూపంలోకి రాబోతున్నది. తన ఆటో బయోగ్రఫీ రాసే బాధ్యతను ప్రముఖ రచయిత యండమూరి వీరేంద్రనాథ్‌కు అప్పగిస్తున్నట్లు స్వయంగా చిరంజీవి ప్రకటించారు. విశాఖ వేదికగా లోక్ నాయక్ ఫౌండేషన్ ఆధ్వర్యంలో జరిగిన ఎన్టీఆర్ 28వ పుణ్యతిథి, ఏఎన్ఆర్ శతజయంతి వేడుకల కార్యక్రమంలో మెగాస్టార్ పాల్గొన్నారు. ఈ సందర్భంగా మాట్లాడుతూ.. తన బయోగ్రఫీ విషయాన్ని పబ్లిక్‌గా వెల్లడించారు. యండమూరి వంటి గొప్ప రచయిత తన బయోగ్రఫీ రాస్తానని అనడం చాలా సంతోషంగా ఉందని త్వరలోనే ఇది జరుగుతుందన్నారు. సినిమా రంగంతో పాటు రాజకీయ రంగంలో ప్రవేశం ఉన్న చిరంజీవి బయోగ్రఫిలో ఎటువంటి అంశాలు ఉండబోతున్నాయనేది మెగా ఫ్యాన్స్‌లో ఉత్కంఠ నెలకొంది.