మెగా హీరోలెవరూ ‘BRO’ చూడలేదా? ఒక్క పోస్ట్, కామెంట్ లేదేంటి!

దిశ, సినిమా: మొట్టమొదటి సారిగా పవన్ కల్యాణ్, సాయి ధరమ్ తేజ్ కలిసి నటించిన సినిమా ‘బ్రో’. సముద్రకని తెరకెక్కించిన ఈ సినిమా తాజాగా విడుదలై మంచి టాక్ సొంతం చేసుకుంది. పవన్‌ను సరికొత్త లుక్‌లో చూసి ఫ్యాన్స్ తెగ ఎంజాయ్ చేస్తున్నారు. కలెక్షన్ విషయానికొస్తే ఈ మూవీ బాక్సాఫీస్ వద్ద సునామీని సృష్టించింది. విడుదలైన ఈ మూడు రోజుల్లో మొత్తం మీద రూ.97.50 కోట్లు కలెక్ట్ చేసింది. ఇకపోతే సినిమా విడుదలై మూడు రోజులవుతున్నా చిరంజీవి, రామ్ చరణ్, అల్లు అర్జున్‌లో ఒక్కరు కూడా సినిమాపై కామెంట్ చేయలేదు. రీసెంట్‌గా విడుదలైన ‘బేబీ’ మూవీ టీంను చిరు, అల్లు అర్జున్ పొగడ్తలతో ముంచెత్తారు. కానీ పవన్ ‘బ్రో’ గురించి ఎక్కడ మాట్లాడలేదు. ట్వీట్, పోస్ట్‌లు పెట్టలేదు. దీనికి కారణం ఏమిటంటూ సోషల్ మీడియాలో చర్చ నడుస్తోంది.

Read More : మంత్రి అంబటి రాంబాబుపై మరోసారి నటుడు పృథ్వీ సంచలన వ్యాఖ్యలు