Virupaksha : ‘విరుపాక్ష’ షో వేయలేదని థియేటర్‌ను ధ్వంసం చేసిన ఫ్యాన్స్
మెగా హీరో సాయి ధరమ్ తేజ్, సంయుక్త మీనన్ జంటగా నటించిన చిత్రం ‘విరుపాక్ష’.
దిశ, వెబ్ డెస్క్: మెగా హీరో సాయి ధరమ్ తేజ్, సంయుక్త మీనన్ జంటగా నటించిన చిత్రం ‘విరుపాక్ష’. ఈ సినిమా ఏప్రిల్ 21న విడుదలైన తొలిరోజు నుంచే హిట్ టాక్‌తో దూసుకుపోతుంది. థియేటర్స్‌లో ‘విరూపాక్ష’ సినిమా హవా నడుస్తోంది. తాజాగా, హైదరాబాద్ మూసాపేట‌లో ఏషీయన్ లక్ష్మీకళ థియేటర్‌‌‌కు వెళ్లి గంట సమయం గడిచినా సినిమా వేయకపోవడంతో సాయిధరమ్ తేజ్ ఫ్యాన్స్ థియేటర్ పై దాడి చేశారు. నిన్న ఆదివారం కావడంతో చాలా మంది సినిమా చూసేందుకు ఆరు గంటలకు వెళ్లారు. గంటకు పైగా షో కోసం వేచి చూశారు. కానీ ఎంతకూ షో ప్రారంభం కాకపోవడంతో ప్రేక్షకులు ఆగ్రహానికి గురయ్యారు. థియేటర్ అద్దాలు, ఫర్నీచర్‌ను ధ్వంసం చేశారు. సమాచారం అందుకున్న పోలీసులు వెంటనే సంఘటనా స్థలానికి చేరుకుని వారిని అదుపు చేశారు. థియేటర్ యజమానులతో టికెట్లు కొనుగోలు చేసిన వారికి డబ్బులు తిరిగి ఇప్పించారు.
Read more:
బాస్‌తో స్పెషల్ బ్రేక్ ఫాస్ట్.. దేవి శ్రీ ప్రసాద్ ఇంట్రెస్టింగ్ ట్వీట్