ఫ్యామిలీతో కలిసి ఆ సినిమా చూసేందుకు సిద్ధంగా ఉన్న మహేశ్ బాబు.. (ట్వీట్)

దిశ, వెబ్‌డెస్క్: బాలీవుడ్ స్టార్ షారుక్ ఖాన్, కోలీవుడ్ స్టార్ డైరెక్టర్ అట్లీ కాంబినేషన్‌లో తెరకెక్కిన సినిమా ‘జవాన్’. యాక్షన్ ఎంటర్ టైనర్‌గా రూపొందిన ఈ మూవీ సెప్టెంబర్-7న హిందీ, తెలుగు, తమిళ భాషల్లో ప్రపంచవ్యాప్తంగా విడుదలయ్యేందుకు సిద్ధంగా ఉంది. ఈ సినిమా నుంచి ఇప్పటికే రిలీజైన పోస్టర్లు, ట్రైలర్ మూవీపై భారీ అంచనాలు పెంచగా.. సౌత్ స్టార్స్ సైతం ‘జవాన్’ కోసం ఆసక్తిగా ఎదురు చూస్తున్నారు.

ఈ క్రమంలోనే టాలీవుడ్ సూపర్ స్టార్ మహేశ్ బాబు సోషల్ మీడియాల వేదికగా స్పందించారు. ఈ మేరకు ‘‘ఇది ‘జవాన్’ సమయం!!! షారుక్ ఖాన్ పవర్ మొత్తం స్క్రీన్‌పై కనిపించబోతుంది. టీమ్‌కి అన్ని మార్కెట్‌లలో ఆల్-టైమ్ బ్లాక్‌బస్టర్ విజయాన్ని కోరుకుంటున్నాను! కాబట్టి కుటుంబ సభ్యులతో కలిసి చూడాలని ఎదురు చూస్తున్నాను’’ అంటూ ‘జవాన్’ మూవీ టీంకు శుభాకాంక్షలు తెలిపారు.