ధనుష్-శేఖర్ కమ్ముల మూవీ నుంచి మరో అప్ డేట్

దిశ, సినిమా: తమిళ్ స్టార్ హీరో ధనుష్ ప్రజంట్ భాషతో సంబంధం లేకుండా వరుస సినిమాలు చేస్తూ కెరీర్‌లో దూసుకుపోతున్నాడు. ఇక రీసెంట్‌గా తెలుగులో ‘సార్’ మూవీతో ప్రేక్షకుల ముందుకొచ్చి మంచి విజయాన్ని అందుకున్నాడు. ప్రస్తుతం ధనుష్ మరో తెలుగు దర్శకుడు శేఖర్ కమ్ములతో కూడా సినిమా చేస్తున్న సంగతి తెలిసిందే. ఈ చిత్రం ఎప్పుడో అనౌన్స్ అయినప్పటికీ ఇంకా షూటింగ్ అయితే మొదలుకాలేదు. తాజా సమాచారం ప్రకారం ఈ సినిమా షూటింగ్ మొదలు పెట్టడానికి ముహూర్తం ఫిక్స్ చేశారట మేకర్స్. దీని ప్రకారం వచ్చే ఏడాది జనవరిలో ముంబై తదితర ప్రాంతాల్లో షూటింగ్ స్టార్ట్ చేయనున్నారట. ఇక దేవిశ్రీ ప్రసాద్ సంగీతం అందిస్తున్న ఈ మూవీని భారీ బడ్జెట్‌తో పాన్ ఇండియా రేంజ్‌లో శ్రీ వెంకటేశ్వర సినిమాస్ ఎల్ఎల్‌పీ బ్యానర్‌పై నారాయణదాస్ కె. నారంగ్, పి. రామ్మోహన్ నిర్మించనున్నారు. తెలుగు, తమిళ్, హిందీతో పాటు పలు భాషల్లో మూవీ రిలీజ్ కానుంది.