Krishna Vamsi: కృష్ణ వంశీ ఫామ్‌లోకి వచ్చినట్టేనా?

దిశ, వెబ్ డెస్క్ : వరుస ఫ్లాపులతో సతమవుతున్న కృష్ణవంశీకి రంగమార్తాండ మంచి ఊపునిచ్చింది. సినిమా చూసి బయటికి వచ్చి చెప్పిన మాట .. కృష్ణ వంశీ ఈజ్ బ్యాక్. మంచి అవుట్ పుట్ ఇచ్చాడు అని అంతా చెబుతున్నారు .దానికి తగ్గట్లుగానే సినిమా బాగుందని ప్రేక్షకుల నుంచి మంచి రెస్పాన్స్ వస్తుంది. రాకరాక వచ్చిన విజయంతో కృష్ణవంశీ సంతోషానికి అవధులు లేవు. ప్రకాష్ రాజ్ చాలా గ్యాప్ తర్వాత అవార్డ్ ఓరియంటెడ్ ఫిలిం చేయడంతో ఫుల్ జోష్ లో ఉన్నాడు. రంగమార్తాండ కమర్షియల్ ఎంతవరకు సక్సెస్ అయ్యింది విషయాన్ని పక్కన పెడితే కృష్ణవంశీ దర్శకుడిగా మళ్లీ బిజీ అవుతాడు అనే నమ్మకాన్ని అయితే మార్కెట్ వర్గాలకు ఇచ్చేసింది .ఇపుడున్న పరిస్థితుల్లో సొంత కథలతో సినిమాలు చేసేకంటే రీమేక్ సినిమాలు చేసుకుంటే మంచిదని భావించినట్టు ఉన్నారు. అందుకనే ట్రెండీ కాన్సెప్ట్‌ను పట్టుకునే ప్రయత్నంలో కృష్ణవంశీ ఉన్నాడు.