Katrina Kaif: నాకూ అలాంటి క్యారెక్టర్ చేయాలనుంది.. బాలీవుడ్ బ్యూటీ

దిశ, సినిమా : Katrina kaif wishes to play alia bhatt role in gully boy| బాలీవుడ్‌ స్టార్ నటి కత్రినా కైఫ్.. సహ నటి అలియా భట్‌ గురించి ఇంట్రెస్టింగ్ కామెంట్స్ చేసింది. 2019లో జోయా అక్తర్ తెరకెక్కించిన 'గల్లీ బాయ్‌' సినిమాలో అలియా చేసిన పాత్ర బాగా నచ్చిందని, అలాంటి క్యారెక్టర్‌ చేయాలని ఉందని తెలిపింది. అంతేకాదు ఆ సినిమాలో తననే తీసుకుంటే బాగుండని కోరుకున్నట్లు చెప్పిన బ్యూటీ.. 'గల్లీ బాయ్‌లో అలియా పోషించిన పాత్ర నన్ను అట్రాక్ట్ చేసింది. సినిమా మొత్తం సరదాగా ఉండే ఆ ఫన్నీ క్యారెక్టర్ బ్యూటీఫుల్‌గా ఉంటుంది. అలియా తన ప్రతిభతో స్క్రీన్‌ని వెలిగించింది. ఆమెను, పాత్రను మరింత వర్ణించడానికి నా దగ్గర పదాలు కరువయ్యాయి. ప్రేక్షకుల హృదయాల్ని గెలుచుకున్నందుకు చాలా హ్యాపీ' అంటూ అలియాపై ప్రశంసల వర్షం కురిపించింది. ఇక ఈ సినిమాలో రణవీర్ సింగ్, సిద్ధాంత్ చతుర్వేది కీలక పాత్రల్లో నటించిన సంగతి తెలిసిందే.