కరీనా కపూర్ అసలు క్యారెక్టర్‌ భయటపెట్టిన రణ్‌వీర్.. డైరెక్టర్ చెప్పినా వినలేదంటూ

దిశ, సినిమా: బాలీవుడ్ నటి కరీనా కపూర్ రియల్ క్యారెక్టర్‌పై ప్రముఖ చెఫ్, నటుడు రణ్‌వీర్ బ్రార్ ప్రశంసలు కురిపించాడు. హన్సల్ మెహతా తెరకెక్కిస్తున్న నయా మూవీ సెట్‌లో ఆమెతో జరిగిన ఓ ఫన్నీ ఇన్సిడెంట్‌ను షేర్ చేసుకుంటూ నటి వ్యక్తిత్వానికి తాను ఫిదా అయ్యానని చెప్పాడు. ‘సెట్‌లో ఆమె సహజత్వం నన్ను కట్టిపడేసింది. ఓ సీన్‌లో నన్ను చెంపదెబ్బ కొట్టే సన్నివేశం ఉండగా.. ‘లేదు రణ్‌వీర్‌ను నేను నిజంగా చెంపదెబ్బ కొట్టలేను అని హన్సల్ సర్‌కు చెప్పింది. అయితే స్క్రిప్ట్‌లో తిట్లు లేవు కాబట్టి కొట్టాల్సిందేనని ఆయన చెప్పాడు. దీంతో నాలుగు షాట్‌లను ప్రయత్నించినా సరిగా రాలేదు. దీంతో నాలో భయపడే ఫీలింగ్ పోయింది. ఇది గ్రహించిన నటి ఒక్క సెకనులో నేను భయపడేలా చేసింది. ఆమె ఏమి చేసిందో నేను చెప్పను. కానీ ఆమె ఏదో చేసింది. ఆ క్షణం నా ముఖాన్ని దగ్గరగా చూస్తే.. నా జీవితంలో నేను ఎవరికీ అంతగా భయపడలేదని మీకు అర్థమవుతుంది. నిజంగా ఆమె ‘వెరీ జెంటిల్ ఉమెన్’ అంటూ నటిని పొగిడేశాడు.