Rajinikanth: ‘కూలీ’ మూవీలో కన్నడ సూపర్ స్టార్.. పవర్ ఫుల్‌గా ఫస్ట్ లుక్ పోస్టర్

దిశ, సినిమా: సూపర్ స్టార్ రజినీకాంత్, లోకేష్ కనగరాజ్ కాంబినేషన్‌లో రాబోతున్న తాజా చిత్రం ‘కూలీ’. భారీ బడ్జెట్‌తో సన్‌పిక్చర్స్ బ్యానర్‌పై కళానిధిమారన్ నిర్మిస్తుండగా.. తలైవా 171 మూవీగా రాబోతుంది. ప్రజెంట్ ఈ సినిమాకు సంబంధించిన షూటింగ్ శరవేగంగా జరుగుతోంది. అయితే కూలీ చిత్రం మేకర్స్ ఒక్కొక్క పాత్రను రివీల్ చేస్తూ అంచనాలు పెంచేస్తున్నారు.

ఇప్పటికే కూలీ సినిమాలో అక్కినేని నాగార్జున, శృతి హాసన్, సౌబిన్ షాహిర్, సత్య రాజ్ పాత్రలకు సంబంధించిన పోస్టర్స్ విడుదలయ్యాయి. తాజాగా, డైరెక్టర్ లోకేష్ కూలీ అప్డేట్ రిలీజ్ చేశాడు. ఇందులో కన్నడ సూపర్ స్టార్ ఉపేంద్ర కలీషా పాత్రలో చేస్తున్నట్లు ట్విట్టర్ వేదికగా ఫస్ట్ లుక్ పోస్టర్‌ను విడుదల చేశాడు. రెడ్ కలర్ దారం కట్టుకుని చేతిలో కొడవలి మాదిరిగా ఉన్న సువ్వను పట్టుకుని పవర్‌ ఫుల్‌ లుక్‌తో ఉపేంద్ర కనిపించాడు.