రికార్డ్ సృష్టించబోతున్న కన్నడ స్టార్.. ‘UI’ మూవీ ఏకంగా అన్ని భాషల్లో రాబోతుందా..?

దిశ, సినిమా: కన్నడ స్టార్‌ హీరో ఉపేంద్ర స్వీయదర్శకత్వంలో హీరోగా నటిస్తున్న తాజా చిత్రం ‘UI’ .ఈ చిత్రాన్ని ఉపేంద్ర భారీ స్థాయిలో విడుదల చేసేందుకు ప్లాన్ చేస్తున్నాడట. తాజా సమాచారం ప్రకారం ఈ మూవీని ఐదు ప్రధాన భారతీయ భాషలతోపాటు నాలుగు అంతర్జాతీయ భాషలు ఫ్రెంచ్‌, స్పానిష్‌, జర్మన్‌, ఇటాలియన్‌ లో కూడా రిలీజ్ చేస్తుట్లు ఓ వార్త నెట్టింట హల్ చల్ చేస్తోంది. ఈ సరికొత్త ప్రమోషనల్‌ ప్లాన్‌తో సినిమాపై సూపర్ బజ్‌ క్రియేట్‌ అవడం పక్కా .

అయితే దీనిపై ఉపేంద్ర ఏదైనా స్పష్టత ఇస్తాడేమో చూడాలి. ఇటివల ఉపేంద్ర ఓ చిట్‌ చాట్‌లో ‘UI’ సినిమా గురించి మాట్లాడుతూ ‘చాలా కాలం తర్వాత నేను దర్శకత్వం వహిస్తున్న సినిమా ఇది. ఈ సినిమాలో నా టేస్ట్‌ స్క్రీన్‌ప్లే, డైరెక్షన్ చూస్తారు. ఈ మూవీ గనుక మీకు అర్ధమైతే మీరు సూపర్‌స్టార్‌ అవుతారు’ అంటూ కామెంట్స్‌ చేసి తన సినిమాపై సూపర్ హైప్‌ పెంచుకున్నాడు ఉపేంద్ర. నిజానికి చిత్ర విచిత్రమైన సినిమాలు చేయడంలో ఉపేంద్ర దిట్ట. అందుకే కన్నడ ఇండస్ట్రీలో తనకంటూ ఓ ప్రత్యేక గుర్తింపు తెచ్చుకున్నారు.ఆయన సినిమా కథలే చాలా వింతగా ఉంటాయి. ఆయన తప్ప మరొకరు ఆ చిత్రాలు చేయలేరు అనేలా ఉంటాయి. అలాంటి కాన్సెప్ట్ తోనే ఆయన లేటెస్ట్ 'యూఐ' రూపొందుతోంది.అంటే దీని బట్టి ‘UI’ మూవీ కథ ఎంత డిఫరెంట్ గా ఉండబోతుందో అర్థం చేసుకోవచ్చు.