గులాబీ పువ్వుతో దర్శన మిచ్చిన కంగనా రనౌత్.. స్టేజ్ మీదే ఆమెకు షాక్ ఇచ్చిన ప్రధాని మోదీ!

దిశ, సినిమా: బాలీవుడ్ నటి కంగనా రనౌత్ ప్రస్తుతం భాషతో సంబంధం లేకుండా వరుస చిత్రాలతో దూసుకుపోతుంది. లేడీ ఓరియెంటెడ్ సినిమాలతో బాక్సాఫీస్‌ వద్ద హంగామా సృష్టించిన ఈ అందాల భామ సినిమాలు ఇటీవల కాలంలో కలెక్షన్ల సాధించలేక బొక్క బోర్లా పడ్డాయి. అయితే సినిమా రంగంలో తనకంటూ ఇమేజ్ సొంతం చేసుకున్న ఆమె ప్రస్తుతం రాజకీయ అరంగేట్రం చేసింది. అందరూ ఊహించినట్టే.. కంగనా రనౌత్ బీజేపీ అధిష్టానాన్ని ప్రసన్నం చేసుకొన్నది. దాంతో ఆమెకు ఏకంగా హిమాచల్‌లోని మండి పార్లమెంట్ స్థానం నుంచి పోటీ చేయాలని టికెట్ కేటాయించింది. అయితే ప్రత్యర్థి పార్టీలు ఆమెపై ఘాటుగా స్పందించారు. అయితే వాటికి కంగనా రనౌత్ తనదైన శైలిలో సమాధానాలు చెబుతూ ప్రచారంలో దూసుకెళ్లింది. అయితే కంగన రనౌత్‌కు ప్రధాని మోదీ చిన్న ఝలక్ ఇచ్చారు. ప్రస్తుతం ఈ వీడియో నెట్టింట తెగ వైరల్ అవుతుంది.

ఇక బీజేపీ ప్రచారంలో భాగంగా మండి నియోజకవర్గంలో ప్రధాని మోదీ పర్యటనను ఏర్పాటు చేసింది. మండిలో ఏర్పాటు చేసిన సభలో కంగనా రనౌత్ తరఫున ప్రసంగించారు. అంతకు ముందు ప్రధానిని ఆహ్వానిస్తూ.. ఒక గులాబీ పువ్వును ఇచ్చేందుకు ప్రయత్నించింది. తన అనుచరులు తీసుకొచ్చిన గులాబీని కంగనా అందించడానికి ప్రయత్నిస్తే.. సున్నితంగా తిరస్కరిస్తూ మోదీ చేతులెత్తి దండం పెట్టారు. ప్రస్తుతం ఆ వీడియో సోషల్ మీడియాలో చక్కర్లు కొడుతున్నది.