అదొక నిస్సహాయ ప్రదేశం.. బాలీవుడ్‌పై మరోసారి కంగన ఫైర్

దిశ, సినిమా: బాలీవుడ్ ఫైర్ బ్రాండ్‌గా పేరు తెచ్చుకుంది హీరోయిన్ కంగనా రనౌత్. ప్రజెంట్ ఈమె రాజకీయాల్లో బిజీగా ఉంటూనే.. ‘ఎమర్జెన్సీ’ సినిమాలో నటిస్తుంది. ఆమె ప్రధాన పాత్రలో నటిస్తూ.. స్వీయ దర్శకత్వంలో తెరకెక్కిన ఈ చిత్రంలో మాజీ ప్రధాని ఇందిరా గాంధీ పాత్రలో కంగన కనిపించనుంది. ఇదిలా ఉంటే.. ఈ ఫైర్ బ్రాండ్ ఎక్కువగా బాలీవుడ్‌పై విమర్శలు చేస్తూ వార్తల్లో నిలుస్తుంటున్న విషయం తెలిసిందే. ఈ క్రమంలోనే తాజాగా మరోసారి ఈ బ్యూటీ.. బాలీవుడ్‌ను ఉద్దేశిస్తూ షాకింగ్ కామెంట్స్ చేసింది.

‘బాలీవుడ్‌లో టాలెంట్ ఉన్నవారికి ఎలాంటి గుర్తింపు దక్కదు. అంతే కాదు టాలెంట్ ఉన్న వ్యక్తులు ఉంటే.. వారి కెరీర్‌ను కూడా నాశం చేస్తారు. నిజాయితీగా చెప్పాలంటే నా దృష్టిలో బాలీవుడ్ చాలా నిస్సహాయ ప్రదేశం. ఇక్కడ ప్రోత్సహంచే వారు, సాయం చేసే వారు ఎవరూ ఉండరు. ఇక కొందరు ప్రముఖులు మన టాలెంట్‌ను చూసి సపోర్ట్ చెయ్యకపోగా.. మనల్నీ చూసి అసూయ పడతారు. పీఆర్‌లను నియమించి వారి పరురు పోయేలా ప్రచారం చేస్తారు. ఇండస్ట్రీ నుంచి వారిని బహిష్కరించేలా పరిస్థితుల్ని సృష్టిస్తారు. నేను కూడా అలాంటి పరిస్థితులను ఎదుర్కొన్న’ అంటూ చెప్పుకొచ్చింది. ప్రజెంట్ కంగన కామంట్స్ నెట్టింట వైరల్ అవుతున్నాయి.