'BHARATHIYUDU 2' కోసం భోజనం చేయకుండా పని చేస్తున్న Kamal Hassan!
విశ్వ నటుడు కమల్ హాసన్, స్టార్ డైరెక్టర్ శంకర్ కలయికలో వస్తున్న చిత్రం 'భారతీయుడు 2'.
దిశ, సినిమా: విశ్వ నటుడు కమల్ హాసన్, స్టార్ డైరెక్టర్ శంకర్ కలయికలో వస్తున్న చిత్రం 'భారతీయుడు 2'. కాగా ఈ సినిమా షూటింగ్ ఇటీవలే మొదలైనట్లు స్వయంగా తెలిపిన కమల్.. శంకర్‌తో కలిసి సెట్స్‌లో సీన్స్ డిస్కస్ చేస్తున్న ఫొటోలు, వీడియోలను ట్విట్టర్ వేదికగా అభిమానులతో పంచుకున్నాడు. అయితే ఇప్పటికే ఆలస్యమైన ఈ మూవీ షూటింగ్ ప్రస్తుతం శరవేగంగా జరుగుతుండగా కమల్ ఈ మూవీ కోసం చాలా కష్ట పడుతున్నట్లు తెలుస్తోంది. 68 ఏళ్ల వయసులోనూ యువకుడి ఆలోచనలతోనే దూసుకుపోతున్న కమల్.. ఓ సన్నివేశం కోసం పూర్తిగా ఉపవాసం ఉన్నట్లు తెలుస్తోంది. ఎందుకంటే ఎంతో శ్రమపడి వేసిన మేకప్ భోజనం వల్ల పాడైపోతుందనే కారణంగా ఏమీ తినకుండానే ఖాళీ కడుపుతో షూటింగ్‌లో పాల్గొన్నట్లు చిత్ర రచయిత జయ మోహన్ సోషల్ మీడియా వేదికగా షేర్ చేశాడు. దీంతో కమల్ కమిట్మెంట్‌పై కొంతమంది ప్రశంసలు కురిపిస్తుంటే.. మరికొందరు ఏదైనా ఎనర్జీ డ్రింక్ తీసుకోవచ్చు కదా అని సూచిస్తున్నారు.
ఇవి కూడా చదవండి :
'18 పేజెస్' ఒక డిఫరెంట్ లవ్ స్టోరీ: అల్లు అరవింద్