భర్త కాదు అతడే kajol బిగ్ క్రష్.. పబ్లిక్‌గా చెప్పేసిన karan johar

దిశ, సినిమా: సీనియర్ నటి కాజోల్ తన ఫస్ట్ క్రష్‌ గురించి ఓపెన్ అయింది. ఆమె ప్రధాన పాత్ర పోషించిన 'సలామ్ వెంకీ' డిసెంబర్ 9న ప్రేక్షకుల ముందుకు రానుండగా.. ప్రమోషన్స్‌లో భాగంగా డ్యాన్స్ రియాలిటీ షో 'ఝలక్ దిఖ్లా జా 10'కి హాజరైంది. ఈ క్రమంలో షోకు హోస్ట్‌గా వ్యవహరిస్తున్న మనీష్ పాల్.. ఆమె భర్త అజయ్ దేవగన్‌ను పక్కన పెట్టి బాలీవుడ్‌లో తన ఫస్ట్ క్రష్‌ను వెల్లడించాలని కోరారు. దీంతో ఈ షోలో న్యాయమూర్తిగా వ్యవహరిస్తున్న కరణ్ జోహార్ ఏ మాత్రం ఆలస్యం చేయకుండా సమాధానం చెప్పేశాడు. 'కాజోల్‌కు అక్షయ్ కుమార్‌పై క్రష్ ఉంది. 1994లో వచ్చిన 'యే దిల్లగి'లో కలిసి నటించినపుడు ఈ విషయం బయటపడింది' అని చెప్పేశాడు. దీంతో ఒక్కసారిగా ఆశ్చర్యంగా చూసిన కాజోల్ నిజమే అన్నట్లుగా హర్ట్‌ఫుల్ స్మైల్ ఇచ్చింది. ప్రస్తుతం ఈ వీడియో వైరల్ అవుతోంది. ఇక రేవతి దర్శకత్వం వహించిన 'సలామ్ వెంకీ' నుంచి రీసెంట్‌గా విడుదలైన ట్రైలర్ అభిమానులను అమితంగా ఆకట్టుకుంటోంది.  

ఇవి కూడా చదవండి: టీజర్‌తో సినిమాను అంచనా వేయొద్దు : 'ఆదిపురుష్' గురించి kriti sanon