కాజల్ ‘సత్యభామ’ ఏపీ రైట్స్ సొంతం చేసుకున్న ప్రముఖ బ్యానర్

దిశ, సినిమా: టాలీవుడ్ చందమామ కాజల్ ప్రస్తుతం సెకండ్ ఇన్నింగ్స్ స్టార్ట్ చేసి.. వరుస సినిమాలతో దూసుకుపోతుంది. ఇటీవల బాలకృష్ణ మూవీ ‘భగవంత్ కేసరి’తో మంచి హిట్ అందుకున్న ఈమె.. ఇప్పుడు ‘సత్యభామ’ సినిమాతో ప్రేక్షకుల ముందుకు వచ్చేందుకు సిద్ధం అవుతోంది. క్రైమ్ థ్రిల్లర్ అండ్ యాక్షన్ మూవీగా తెరకెక్కుతున్న ఈ చిత్రంలో కాజల్ పవర్ ఫుల్ పోలీస్ ఆఫీసర్‌గా అలరించనుంది.

ఇక సమన్ చిక్కాల దర్శకత్వం వహించిన ఈ మూవీ జూన్ 7న గ్రాండ్‌గా రిలీజ్ కానుంది. ఈ క్రమంలోనే తాజాగా స్పెషల్ అప్‌డేట్ ఇచ్చారు మేకర్స్. ‘సత్యభామ’ మూవీ ఆంధ్రప్రదేశ్ థియేటర్ రైట్స్‌ను ధీరజ్ మొగిలినేని ఎంటర్‌టైన్మెంట్స్ సొంతం చేసుకున్నట్లు తెలుపుతూ ఓ పోస్టర్ రిలీజ్ చేశారు. ఏపీలో ఈ చిత్రం రిలీజ్‌కు లైన్ క్లియర్ అవ్వడంతో ఫ్యాన్స్ ఖుష్ అవుతున్నారు.