ఉప్పీ దాదా 'కబ్జా' టీజర్.. కేజీఎఫ్‌తో పోల్చుతున్న నెటిజన్లు

దిశ, సినిమా : కన్నడ స్టార్ హీరో ఉపేందర్‌ టాలీవుడ్‌ ప్రేక్షకులకు కూడా సుపరిచితమే. గతంలో ఆయన నటించిన పలు తెలుగు స్ట్రెయిట్ చిత్రాలు ప్రేక్షకాదరణ పొందాయి. ఇదే క్రమంలో కొన్ని సినిమాల్లో విలన్ రోల్స్ చేసిన ఉప్పీ దాదా.. తాజాగా 'కబ్జా' చిత్రంతో ప్రేక్షకుల ముందుకు వస్తున్నాడు. ఇటీవలే విడుదలైన టీజర్‌కు సూపర్ రెస్పాన్స్ లభిస్తోంది. ఇక ఈ టీజర్ కట్ ఆకట్టుకునేలా ఉండటంతో పలువురు నెటిజన్లు దీనిని 'కేజీఎఫ్'తో పోల్చుతున్నారు.

స్టోరీ కాన్సెప్ట్ డిఫరెంట్‌గా ఉన్నప్పటికీ నెటిజన్లు మాత్రం ఈ రెండు చిత్రాల మధ్య చాలా పోలికలను కనుగొన్నారు.ఇదిలా ఉంటే.. 'కబ్జా' చిత్రంలో కిచ్చా సుదీప్ కూడా కీలక పాత్ర పోషిస్తుండగా శ్రియా శరణ్, బొమన్ ఇరానీ, ప్రకాష్ రాజ్, కబీర్ దుహాన్ సింగ్, పోసాని కృష్ణ మురళి, మురళీ శర్మ, జగపతి బాబు తదితరులు నటిస్తున్నారు. కాగా త్వరలోనే ఈ చిత్రం ఇండియావైడ్‌గా ఏడు భాషల్లో విడుదల కానుంది.