ఈ గడ్డం నా జీవితాన్నే మార్చేసింది.. ఇటాలియన్ సినిమాల్లో చాన్స్ కొట్టేశా..

దిశ, సినిమా: ఇటాలియన్ సినిమాల్లో తనకు అవకాశాలు రావడంపై సీనియర్ నటుడు కబీర్ బేడీ ఆసక్తికర విషయాలు వెల్లడించాడు. తాజాగా కపిల్ శర్మ షోలో పాల్గొన్న ఆయన కెరీర్ అనుభవాలను షేర్ చేసుకుంటూ అభిమానులను అలరించాడు. ఈ క్రమంలోనే తన గడ్డం ప్రత్యేకత గురించి ప్రశ్నించగా ఫన్నీ స్టోరీ చెప్పాడు. ‘ఓ సారి భారతదేశంలో పర్యటిస్తున్న ఇటలీకి చెందిన నిర్మాతల బృందం.. గడ్డం ఉన్న నటుడి కోసం వెతుకుతోంది. ఆ సమయంలోనే నేను వాళ్ల కంట పడ్డాను. నా స్టైలిష్ గడ్డం చూసి వాళ్లు అట్రాక్ట్ అయ్యారు. ఆ తర్వాత ఆడిషన్‌కు పిలవడం.. నేను వెళ్లడం.. చివరికి ఓ ముఖ్య పాత్ర చాన్స్ కొట్టేయడం జరిగింది. ఈ అనూహ్య పరిణామం నా జీవితంలో సానుకూల మార్పులు తెచ్చింది. నా గడ్డానికి ధన్యవాదాలు’ అంటూ సరదాగా పలు విషయాలు చెప్పుకొచ్చాడు.

Read More...  విడాకులు తీసుకోబోతున్న బాలీవుడ్ స్టార్ హీరో.. ట్వీట్ వైరల్ 

చీప్ టీఆర్‌పీ.. మీడియా తీరుపై నవాజుద్దీన్ ఫైర్