Alia Bhatt: స్టార్ హీరోయిన్ ‘జిగ్రా’ మూవీ టీజర్ విడుదలకు ముహూర్తం ఫిక్స్.. పోస్ట్ వైరల్

దిశ, సినిమా: బాలీవుడ్ స్టార్ హీరోయిన్ అలియా భట్ అందరికీ సుపరిచితమే. ఈ అమ్మడు ఎన్నో హిట్ చిత్రాల్లో నటించి ఫుల్ క్రేజ్ తెచ్చుకుంది. పెళ్లి చేసుకున్నప్పటికీ సినిమాలకు దూరంగా కాకుండా వరుస ప్రాజెక్టులు ఓకే చేస్తూ స్టార్ హీరోయిన్‌గా దూసుకుపోతుంది. గత ఏడాది అలియా రాఖీ ఔర్ రాణికి ప్రేమ కహాని మూవీతో ప్రేక్షకులను అలరించింది. ప్రజెంట్ ఈ అమ్మడు ప్రధాన పాత్రలో నటిస్తున్న తాజా చిత్రం ‘జిగ్రా’. వాసన్ బాల దర్శకత్వం వహిస్తున్న ఈ సినిమాలో వేదాంగ్ రైనా కీలక పాత్రలో కనిపించబోతున్నాడు.

అయితే ఈ సినిమా నుంచి ఇటీవల విడుదలైన పోస్టర్లు మంచి హైప్‌ను క్రియేట్ చేశాయి. అయితే ఈ సినిమా అక్టోబర్ 11న విడుదల కాబోతున్న విషయం తెలిసిందే. ఈ క్రమంలో.. మేకర్స్ వరుస అప్డేట్స్‌ను వదులుతూ అంచనాలను పెంచేస్తున్నారు. తాజాగా, జిగ్రా టీజర్ విడుదల తేదీని అలియా ఇన్‌స్టాగ్రామ్ ద్వారా వెల్లడించింది. సెప్టెంబర్ 8వ తేదీన రాబోతున్నట్లు తెలిపింది. అంతేకాకుండా ఓ పవర్ ఫుల్ పోస్టర్‌ను విడుదల చేసింది. అందులో కోపంగా చూస్తూ చేతులు వెనకాల పెట్టుకుని ఉండగా రక్తంతో పిడికిలి బిగించింది. ప్రస్తుతం అలియా పోస్టర్ సోషల్ మీడియాలో వైరల్ అవుతోంది.