నా 19 ఏళ్ల కెరీర్‌లో ఇలాంటి వ్యక్తిని చూడలేదంటూ తమన్నా ఇంట్రెస్టింగ్ పోస్ట్.. ఎవరి గురించంటే?

దిశ, సినిమా: టాలీవుడ్ స్టార్ హీరోయిన్‌ తమన్నా భాటియా వరుస చిత్రాల్లో నటిస్తూ దూసుకుపోతుంది. ఈ అమ్మడు ఇటీవల జైలర్ సినిమాతో హిట్ అందుకుంది. అంతేకాకుండా లస్ట్ స్టోరీస్-2లో మరీ బోల్డ్‌గా నటించి ఆశ్చర్యానికి గురి చేసింది. ప్రస్తుత తమన్నా భాటియా ఓదెల-2 చిత్రంతో ప్రేక్షకుల ముందుకు రాబోతుంది. ఇది గతంలో ఓటీటీలో రివీజైన ఓదెల రైల్వే స్టేషన్ సీక్వెల్‌గా వస్తుంది. ఇప్పటికే ఈ మూవీ నుంచి ఫస్ట్ లుక్ పోస్టర్ కూడా వచ్చేసింది. అయితే ఓదెల-2 సినిమాను అశోక్ తేజ తెరకెక్కిస్తుండగా.. సంపత్ నంది నిర్మిస్తున్నాడు. ఇందులో హెబ్బా పటేల్, వశిష్ట కీలక పాత్రల్లో నటిస్తున్నారు.

ఇదిలా ఉంటే.. తాజాగా, తమన్నా తన ఇన్‌స్టాగ్రామ్ వేదికగా ఓదెల-2 సంపత్ నంది పై ప్రశంసలు కురిపించింది. ‘‘మీ మంచి మాటలకు ధన్యవాదాలు సంపత్ నంది ఇది చాలా ప్రత్యేకమైనది. సినిమా నిర్మాణం అనేది ఒక సహకార ప్రయత్నమని నేను ఎప్పుడూ గట్టిగా నమ్ముతాను. ఇది ఒక వ్యక్తి దృష్టితో ప్రారంభమైనప్పటికీ, బృందం అందరి సహకారంతో ముందుకు పోతుంది. ముఖ్యంగా సంపత్ దీన్ని నిజంగా అర్థం చేసుకున్నాడు. నా 19 ఏళ్ల కెరీర్‌లో ఇలాంటి వ్యక్తిని నేను చూడలేదు. చిన్న పెద్ద అని చూడరు అతను  ప్రతి ఒక్కరినీ  మెచ్చుకుంటాడు.

అందరి సమిష్టి కృషి పోస్టర్‌పై తుది రూపాన్ని అందించింది, ఇప్పుడు అందరికీ నచ్చింది. నేను ఎనర్జీతో నిండి ఉన్నాను అందరితో కలిసి సెట్‌లో ఉండటానికి చాలా సంతోషిస్తున్నాను. #Odela2ని చిత్ర నిర్మాణ ప్రక్రియను జరుపుకుంటున్నాను. బోలెడంత ప్రేమ’’ అంటూ రాసుకొచ్చింది. ప్రస్తుతం తమన్నా పోస్ట్ వైరల్ అవడంతో అది చూసిన వారు సక్సెక్ అందుకోవాలని ఆమెకు ఆల్ ది బెస్ట్ చెప్తున్నారు.