ఆ స్టార్ హీరోయిన్‌తో అలాంటి మూవీ చెద్దామని మణిరత్నంను రిక్వెస్ట్ చేశా.. విక్రమ్ ఆసక్తికర కామెంట్స్

దిశ, సినిమా: కోలీవుడ్ స్టార్ హీరో చియాన్ విక్రమ్ అందరికీ సుపరిచితమే. వరుస సినిమాలు చేస్తూ ప్రేక్షకులను అలరిస్తున్నాడు. తెలుగులోనూ పలు మూవీస్ చేసి ఫుల్ పాపులారిటీ దక్కించుకున్నాడు. ఇటీవల విక్రమ్ నటించిన ‘తంగలాన్’ ఆగస్టు 15న విడుదలై విజయం సాధించింది. పీరియాడిక్ యాక్షన్ చిత్రంగా తెరకెక్కిన ఈ సినిమాను రంజిత్ దర్శకత్వం వహించగా.. మాళవిక మోహనన్ హీరోయిన్‌గా నటించింది. ఇక దీనిని నీలమ్ ప్రొడక్షన్స్‌తో కలిసి స్టూడియో గ్రీన్ ఫిలింస్ బ్యానర్‌పై నిర్మాత కేఈ జ్ఞానవేల్ రాజా నిర్మించారు.

అయితే తంగలాన్ మూవీలో నటించిన నటీనటులు తమ నటనతో ప్రేక్షకులను మెప్పించారు. ఇదిలా ఉంటే.. తాజాగా, ఓ ఇంటర్వ్యూలో పాల్గొన్న విక్రమ్ స్టార్ హీరోయిన్‌తో ఓ సినిమా చేయాలని డైరెక్టర్‌ను రిక్వెస్ట్ చేశానని ఆసక్తికర కామెంట్స్ చేశాడు. ‘‘అభిషేక్ బచ్చన్ నాకు క్లోజ్ ఫ్రెండ్. అలాగే వారి ఫ్యామిలీ అంతా నాకు తెలుసు. అభిషేక్ భార్య ఐశ్వర్య రాయ్ కూడా నాకు మంచి ఫ్రెండ్. ఆమె గొప్ప నటి మేమిద్దరం రావన్, పొన్నియన్ సెల్వన్ సినిమాలు చేశాము. కానీ ఈ రెండు చిత్రాల్లో ఆమె వేరే వ్యక్తి భార్యగా నటించింది.

వాటిలో మా క్యారెక్టర్స్ లవ్ స్టోరీకి సరైన ముగింపు ఇవ్వలేదు. నా పాత్ర మధ్యలోనే మృతి చెందుతున్నట్లు చూపించారు. ఇక ఆ మూవీస్ చూసిన ఫ్యాన్స్ బాధపడ్డారు. అందుకే ఈ విషయంపై నేను డైరెక్టర్ మణిరత్నంను రిక్వెస్ట్ చేశాను. మా ఇద్దరి కలయికలో సంతోషకరమైన ఎండింగ్ వచ్చేలా ఒక సినిమా చేద్దామని అడిగాను. అది చూసి అయినా అభిమానులు సంతోషపడతారని అన్నాను’’ అని చెప్పుకొచ్చాడు. కానీ అసలు అలాంటి మూవీ రాబోతుందో లేదో దానిపై క్లారిటీ ఇవ్వలేదు. ప్రజెంట్ విక్రమ్ కామెంట్స్ సోషల్ మీడియాలో వైరల్ అవుతున్నాయి.