నేను జిమ్‌కు కేవలం దాని కోసం మాత్రమే వెళ్తాను.. శివాత్మిక పోస్ట్ వైరల్

దిశ, సినిమా: టాలీవుడ్ సీనియర్ హీరో రాజశేఖర్ డాటర్ శివాత్మిక గురించి తెలిసిందే. ‘దొరసాని’ మూవీతో ఇండస్ట్రీ ఎంట్రీ ఇచ్చిన ఈ అమ్మడు.. ‘పంచతంత్రం, ఆకాశం, రంగమార్తండ, విధి విలాసం’ వంటి చిత్రాల్లో నటించి తన అందంతో, నటనతో ఎంతో మందిని ఆకట్టుకుంది. ఇక ప్రస్తుతం విలక్షన కథలను ఎంచుకుంటూ తన రోల్‌కి ప్రాధాన్యత ఉన్న పాత్రలకు ఒకే చెప్తూ అడపదడతా సినిమాల్లో కనిపిస్తుంది.

ఇక సినిమాల విషయం పక్కన పెడితే నిత్యం సోషల్ మీడియాలో యాక్టివ్‌గా ఉండే శివాత్మిక.. నెట్టింట చేసే రచ్చ అంతా ఇంతా కాదు. ఎప్పటికప్పుడు తన అప్‌డేట్‌లను అభిమానులతో పంచుకోవడంతో పాటు.. అప్పుడప్పుడు ఫొటో షూట్‌లతో కూడా అలరిస్తుంటుంది. ఈ క్రమంలోనే తాజాగా ఈ అమ్మడు పెట్టిన పోస్ట్ నెట్టింట వైరల్‌గా మారింది. తాను జిమ్‌లో ఉన్న ఫొటోలను ఇన్‌స్టాగ్రామ్‌లో షేర్ చేస్తూ.. ‘నేను జిమ్‌కు కేవలం ఫొటోల కోసం మాత్రమే వస్తాను’ అనే క్యాప్షన్ ఇచ్చి షేర్ చేసింది. దీంతో ఈ పోస్ట్ చూసిన నెటిజన్లు రకరకాల కామెంట్లతో రచ్చ చేస్తున్నారు.