ఫ్యాన్స్‌‌కు భారీ గుడ్ న్యూస్.. షూటింగ్ సెట్‌లోకి పవన్ కల్యాణ్ ఏ సినిమా చేస్తున్నాడంటే?

దిశ, సినిమా: టాలీవుడ్ స్టార్ హీరో పవర్ స్టార్ పవన్ కల్యాణ్ హరిహర వీరమల్లు, ఓజీ, ఉస్తాద్ భగత్ సింగ్ వంటి సినిమాలు లైన్‌లో పెట్టాడు. ఆ తర్వాత ఎన్నికలు రావడంతో సినిమా షూటింగ్స్‌కు గ్యాప్ ఇచ్చి ప్రచారంలోనే పాల్గొ్న్నాడు. ఏపీ ఎన్నికల్లో పిఠాపురం తరపున పోటీ చేసి ఎమ్మెల్యేగా గెలిచారు. అంతేకాకుండా జనసేన, టీడీపీ, బీజేపీ కూటమిగా అసెంబ్లీ ఎన్నికల్లో 21 స్థానాల్లో పోటీ చేసి భారీ మెజారిటీతో అన్ని స్థానాల్లో గెలుపొందారు. ఎట్టకేలకు ఫ్యాన్స్ కోరిక మేరకు డిప్యూటీ సీఎంగా ప్రమాణ స్వీకారం కూడా చేశారు.

ఈ క్రమంలో.. పవన్ సినిమాలకు దూరమై పూర్తిగా రాజకీయాల్లో బిజీగా ఉంటారనే వార్తలు జోరందుకున్నాయి. దీంతో ఫ్యాన్స్ నిరాశ చెందారు. తాజాగా, పవన్ కల్యాణ్ సినిమా షూటింగ్స్‌లో పాల్గొంటున్నట్లు వార్తలు వైరల్ అవుతున్నాయి. జూన్ చివరి వారంలో లేదా జూలై మొదటి వారంలో షూటింగ్‌లో పాల్గొనబొతున్నారని టాక్. అయితే ఏ సినిమా షూటింగ్‌లో జాయిన్ అవుతున్నారంటే.. ఇప్పటికే హరి హర వీరమల్లు 50 శాతం షూటింగ్ పూర్తి అయినందున ముందుగా ఇందులో జాయిన్ అయి కంప్లీట్ చేయాలని ఫిక్స్ అయ్యారట.

అయితే ఈ సినిమాకు క్రిష్ దర్శకత్వం వహిస్తుండగా.. సూర్య ప్రొడక్షన్ బ్యానర్‌పై ఎం. ఎం రత్నం సమర్పణలో దయాకర్ రావు నిర్మిస్తున్నారు. ఇందులో పవన్ సరసన నిధి అగర్వాల్, అర్జున్ రాంపాల్ హీరోయిన్స్‌గా నటిస్తున్నారు. అలాగే బాలీవుడ్ స్టార్ నటుడు బాబీ డియోల్ విలన్‌గా కనిపించనున్నాడు. అయితే ఇప్పటికే హరి హర వీరమల్లు మూవీ నుంచి విడుదలైన పోస్టర్స్, గ్లింప్స్, టీజర్ ప్రేక్షకుల్లో భారీ అంచనాలను పెంచేశాయి. దీంతో మూవీ థియేటర్స్‌లో ఎప్పుడెప్పుడు రిలీజ్ అవుతుందా అని ఎంతో ఆసక్తిగా ఎదురుచూస్తున్నారు.