అభిమానులకు డబుల్ ట్రీట్ ఇచ్చిన హిల్లరీ.. అందమైన ఫొటో వైరల్

దిశ, సినిమా : హాలీవుడ్ స్టార్ యాక్ట్రెస్ హిల్లరీ స్వాంక్ అధ్బుతమైన చిత్రంతో నెటిజన్లను ఆశ్చర్యపరిచింది. ఈ మేరకు తనకు డబుల్ ధమాకా లభించినట్లు తెలుపుతూ.. ‘ఇది సులభం కాదు.. కానీ, విలువైనది. ఒక అబ్బాయి- ఒక అమ్మాయి’ అంటూ నవజాత కవలలను భుజాన ఎత్తుకున్న ఫొటోలను సోషల్ మీడియాలో పోస్ట్ చేస్తూ మురిసిపోయింది. ప్రస్తుతం ఈ పిక్స్ నెట్టింట తెగ వైరల్ అవుతుండగా.. ప్రపంచవ్యాప్తంగా నటికి శుభాకాంక్షలు వెల్లువెత్తుతున్నాయి. ‘ఈస్టర్ శుభాకాంక్షలు! స్వచ్ఛమైన స్వర్గం నుంచి నీకు ఈ గిఫ్ట్ లభించినందుకు అభినందనలు. దేవుడు ఆశీర్వదిస్తాడు’ అంటూ బిపాసా బసు కంగ్రాట్స్ చెప్పింది. ఇక భర్త ఫిలిప్ ష్నీడర్‌ను 2018లో వివాహం చేసుకున్న హిల్లరీ.. తాను గర్భవతి అయినప్పటికీ నుంచి బేబీ బంప్ చిత్రాలను అభిమానులతో షేర్ చేసుకుంటుంది.