అలిగి వెళ్లిపోయిన హీరోయిన్.. ఆమెను బ్రతిమిలాడుతూ చిరంజీవి చేసిన పనికి అందరూ షాక్ !

దిశ, సినిమా : టాలీవుడ్ ఇండస్ట్రీలో చిరంజీవికి ఉన్న క్రేజ్ ఎలాంటిదో తెలిసిందే. నటన, అభినయంతో మాత్రమే కాకుండా వ్యక్తిత్వంలోనూ ఎంతో సౌమ్యుడిగా గుర్తింపు తెచ్చుకున్నాడు మెగాస్టార్. అతనికి ఏమాత్రం పొగరు ఉండదని, ఎవరితోనైనా మర్యాదగా మాట్లాడతాడని పరిశ్రమలో అందరూ అంటుంటారు. అలాంటి చిరంజీవికి కూడా మూవీస్ చేస్తు్న్న సమయంలో కొన్ని వివాదాలు చుట్టు ముట్టాయి. కెరీర్ పరంగా కొందరు నటీ నటులతో విభేదించాల్సి వచ్చిందట. ఈ క్రమంలో ఓ స్టార్ హీరోయిన్ అయితే చీరంజీవికి చుక్కలు చూపించిందట. ఒకానొక సందర్భంలో ఆమె అలిగి వెళ్లిపోతుంటే.. మెగాస్టార్ స్వయానా బ్రతిమిలాడాల్సి వచ్చింది. ఆమె ఎవరో కాదు. సీనియర్ హీరోయిన్ నగ్మా.

నగ్మా గురించి చెప్పుకుంటే 1990లలో చిత్ర పరిశ్రమలో ఓ వెలుగు వెలిగింది. నటనా పరంగా ప్రేక్షకులను అలరించింది. అనతి కాలంలోనే మంచి గుర్తింపు తెచ్చుకుంది. చిరంజీవి - నగ్మా కాంబోలో వచ్చిన ఫస్ట్ మూవీ ఘరానా మొగుడు అప్పట్లో సూపర్ హిట్. ఆ తర్వాత ముగ్గురు మొనగాళ్లు, రిక్షావోడు మూవీస్‌లలోనూ వీరిద్దరూ జతకట్టారు. అయితే 1995లో వచ్చిన రిక్షావోడు చిత్రంలో నగ్మా ఓ ఉన్నత కుటుంబంలోని అమ్మాయి రోల్ పోషించగా, చిరంజీవి రిక్షా కార్మికుడి పాత్రలో అలరించాడు. ఈ సినిమా షూటింగ్ రామానాయుడు స్టూడియోలో జరుగుతున్న క్రమంలో ఓ పాట చిత్రీకరణ సందర్భంగా చిరంజీవికి, నగ్మాకు మధ్య వివాదం చోటు చేసుకుందట.

మూవీ సాంగ్ షూటింగ్ సమయంలో జరిగిన చిన్నపాటి వివాదం కారణంగా నగ్మా చిరంజీవి మీద కోపంతో అలిగి వెళ్లిపోతుంటే.. చిరంజీవి ఆమెను బ్రతిమిలాడారట. అయినా వినకుండా ఆమె బయటకు వెళ్లిపోతుండగా.. ‘నగ్మా.. ఆగు.. నా మాట విను’.. అనుకుంటూ మెగాస్టార్ ఆమె వెనకాలే పరుగెత్తారట. సెట్‌లో ఉన్న మిగతావారు చిరంజీవి అలా నగ్మా వెంటపడటం చూసి ఏం జరిగిందోనని చూస్తూ ఉండిపోయారట. అసలు విషయం తెలిసి తర్వాత అందరూ నవ్వుకున్నారట. ప్రజెంట్ ఈ న్యూస్ నెట్టింట చక్కర్లు కొడుతుండగా.. ఎంతైనా మెగాస్టార్ మంచి మనసున్న వాడంటూ పొగిడేస్తున్నారు ఆయన ఫ్యాన్స్.