మంచు కొండల్లో పుష్ప సాంగ్‌కి మాస్ స్టెప్స్ వేస్తున్న హీరోయిన్ మీనా.. వీడియో వైరల్

దిశ, సినిమా: అలనాటి స్టార్ హీరోయిన్ మీనా మన అందరికీ సుపరిచితమే. తన అందం, అభినయంతో ప్రేక్షకుల్లో మంచి గుర్తింపు సంపాదించుకున్నది. అయితే ‘పుష్ప 2’ సినిమా నుంచి ఇటీవల రిలీజ్ చేసిన పుష్ప పుష్ప.. అనే సాంగ్ దాంతో పాటు అందులో చెప్పు వదిలేసి కాలు మీద కాలు వేసుకొని చేసే స్టెప్పు బాగా వైరల్ అయింది. చాలామంది ఈ స్టెప్ ని సోషల్ మీడియాలో రీల్స్ చేస్తున్నారు. ఇప్పటికే పలువురు సోషల్ మీడియా స్టార్లు, సెలబ్రిటీలు కూడా స్టెప్ వేసి రీల్స్ చేశారు.

ఇదిలా ఉండగా తాజాగా సీనియర్ నటి మీనా యూరప్ లోని ఐస్ ల్యాండ్ కి వెకేషన్ కి వెళ్ళింది. అక్కడ మంచులో మీనా పుష్ప సాంగ్ స్టెప్ వేసి రీల్ చేసి తన సోషల్ మీడియాలో షేర్ చేసింది. ఈ డ్యాన్స్ వీడియో షేర్ చేయడమే కాక మంచు, నిప్పు అదిరిపోయే కాంబినేషన్ అని పోస్ట్ చేసింది. మంచులో ఉండి, పుష్ప ఫైర్ అనే డైలాగ్ తో కంపేర్ చేస్తూ మీనా ఇలా పోస్ట్ చేసింది. దీంతో మీనా పుష్ప స్టెప్ వేసిన వీడియో వైరల్ గా మారింది. మీరు కూడా మీనా వేసిన పుష్ప స్టెప్‌ను ఓ లుక్ వేసేయ్యండి.