14 ఏళ్ల తర్వాత రీ ఎంట్రీ ఇవ్వబోతున్న శ్రీకాంత్ హీరోయిన్

దిశ, వెబ్‌డెస్క్: టాలీవుడ్ హీరోస్ శ్రీకాంత్, వడ్డే నవీన్ నటించిన చాలా బాగుంది సినిమాతో ఇండస్ట్రీకి ఎంట్రీ ఇచ్చింది హీరోయిన్ ‘మాళవిక’. భర్త స్నేహితుడి చేతిలో అఘాయిత్యానికి గురికావడం, ఆపై ప్రతీకారం తీర్చుకునే గృహిణి పాత్రలో ఈమె అభినయంతో ప్రేక్షకులందరినీ ఆకట్టుకుంది. ఈ చిత్రం బ్లాక్ బస్టర్ హిట్ కావడంతో తెలుగు ఇండస్ట్రీలో మాళవికకు వరుస అవకాశాలు దక్కాయి. తర్వాత దీవించండి, నవ్వుతూ బతకాలిరా, ప్రియనేస్తమా, అప్పారావ్ డ్రైవింగ్ స్కూల్ మూవీల్లో అలరించింది. తెలుగులోనే కాకుండా మాళవిక తమిళ్, మలయాళ భాషల్లో కూడా నటించి అక్కడి ప్రేక్షకుల మెప్పు పొందింది. కాగా టాలీవుడ్ పరిశ్రమలో ఓ వెలుగు వెలిగిన ఈ భామ సురేష్ మేనన్ అనే వ్యక్తిని వివాహం చేసుకుని సినిమాలకు దూరమయ్యింది.

అయితే మాళవిక సినిమాల్లోకి రీ ఎంట్రీ ఇచ్చేందుకు సిద్ధమయ్యింది. గోల్‌మాల్‌ పేరుతో తమిళ్‌లో తెరకెక్కుతోన్న మూవీలో ముఖ్య పాత్ర పోషిస్తుందట. అలాగే తమిళ్‌లో ‘సూపర్‌’ అనే ప్రోగ్రామ్ ద్వారా బుల్లితెరలోకి అడుగు పెట్టింది. అలాగే విజయ్‌ టీవీలో ప్రసారమవుతున్న ‘ఊ సొల్రియా ఊ ఊ సొల్రియా’ అనే కార్యక్రమంలో స్పెషల్ గెస్ట్‌గా హాజరవ్వనుంది. మొత్తానికి మాళవిక బుల్లితెర, వెండితెరపై సందడి చేయనుందని తెలుస్తోంది. ప్రస్తుతం ఈ నటికి సంబంధించిన లేటెస్ట్ ఫొటోలు వీడియోలు సోషల్ మీడియాలో వైరల్ అవుతున్నాయి.