బాయ్‌ఫ్రెండ్‌తో చిల్ అవుతున్న హార్దిక్ పాండ్యా మాజీ భార్య.. వైరల్‌గా మారిన వీడియో

దిశ, సినిమా: భారత క్రికెటర్ హార్దిక్ పాండ్యా, నటి, మోడల్ నటాషా స్టాంకోవిక్ ఇటీవల విడాకులు తీసుకుని విడిపోయిన విషయం తెలిసిందే. పెళ్లైన ఏడాదికే మనస్పర్థలు తలెత్తడంతో విడాకులు తీసుకుంటున్నట్లు అధికారిక ప్రకటన విడుదల చేశారు. అయితే వీరికి ఓ కుమారుడు కూడా ఉన్నాడు. ఆ బాబు బాధ్యత నటాషా తీసుకుంది. ఇటీవల కొడుకు అగస్త్య పుట్టినరోజు ఘనంగా జరిపి ఆ ఫొటోలను సోషల్ మీడియాలో కూడా షేర్ చేసింది. అయితే నటాషా గత వారం ముంబైకి వెళ్లింది.

ఇక కొడుకును మాజీ భర్త హార్దిక్ దగ్గర వదిలి.. ఆమె బాయ్‌ఫ్రెండ్ అలెక్సాండర్ ఇలాక్‌తో ముంబై వీధుల్లో చక్కర్లు కొడుతోంది. వైట్ జాకెట్ ధరించిన నటాషా, రాత్రి వేళ కారులో వెళ్తుండగా.. ఫొటోగ్రాఫర్లకు చిక్కారు. అలెక్సాండర్ చీర్స్ చెబుతూ ఫొటోలకు పోజులిచ్చాడు. ఆ తర్వాత అక్కడి నుంచి వెళ్లిపోయారు. ప్రజెంట్ వీరిద్దరికి సంబంధించిన వీడియో సోషల్ మీడియాలో వైరల్‌గా మారింది. ఇక అది చూసిన నెటిజన్లు రకరకాలుగా కామెంట్లు పెడుతున్నారు.