యూత్‌కు అదిరిపోయే న్యూస్.. రీరిలీజ్‌కు సిద్ధమైన కల్ట్ మూవీ!

దిశ, వెబ్‌డెస్క్: వరుణ్ సందేశ్, రాహుల్ హరిదాస్, నిఖిల్ సిద్ధార్థ్, వంశీ కృష్ణ, తమన్న, సోనియా దీప్తి, గాయత్రి రావు, మోనాలి చౌదరి ప్రధాన పాత్రల్లో వచ్చిన మూవీ ‘హ్యాపీ డేస్’. శేఖర్ కమ్ముల దర్శకత్వంలో వచ్చిన ఈ మూవీ 2007 లో రిలీజైన బాక్సాఫీస్ వద్దా సూపర్ సక్సెస్‌గా నిలిచింది. ఒక్క తెలుగులోనే కాకుండా తమిళం, మలయాళం, కన్నడలో కూడా విడుదలై ఘన విజయం సాధించింది. అప్పట్లో ఈ మూవీ యూత్‌ను ఎంతగానో ఆకట్టుకుంది. అయితే.. ఈ చిత్రం ఇప్పుడు రీరిలీజ్‌కు సిద్ధం అవుతున్నట్లు తెలుస్తోంది. ఈ మేరకు నిఖిల్ ‘హ్యాపీడేస్ సినిమా రీరిలీజ్..? ఒకే నా..?’ అంటూ ట్వీట్ చేశాడు. దీంతో ‘హాపీ డేస్’ సినిమా రీరిలీజ్‌కు సిద్ధం అవుతున్నట్లు తెలుస్తోంది. అయితే.. ఎప్పుడు అనేది తెలియాల్సి ఉంది.