గుంటూరు కారం చిత్రానికి సర్టిఫికేట్ ఇచ్చిన సెన్సార్ బోర్డ్

దిశ, సినిమా: సూపర్ స్టార్ మహేష్ బాబు బ్లాక్ బస్టర్ చిత్రం ‘‘గుంటూరు కారం’’ ఈ నెల (జనవరి) 12 న థియేటర్లలో గ్రాండ్ రిలీజ్ కానుంది. ఈ సినిమా నుంచి ఇప్పటి వరకు వదిలిన పోస్టర్లకు, టైలర్ లకు మంచి రెస్పాన్స్ దక్కింది. ముఖ్యంగా నిన్న రిలీజైన ట్రైలర్‌కు కేవలం 12 గంటల్లోనే 25 మిలియన్ల వ్యూస్ సొంతం చేసుకుని రికార్డు బ్రేక్ చేసింది.

అయితే ఈ మూవీ షూటింగ్ స్టార్ట్ అయినప్పటి నుంచి ఏదో ఒక ఆటంకం ఎదురైంది. మహేష్ బాబు పేరెంట్స్ చనిపోవడం, త్రివిక్రమ్ చిత్ర షూటింగ్‌ను పోస్ట్ పోన్ వేయడం, ఆ తర్వాత వీళ్ళిద్దరి మధ్య గొడవలు రావడం.. ఇలా మొదటి నుంచి అడుగడుగునా ప్రాబ్లమ్స్ వచ్చాయి. ఫైనల్లీ ఈ సినిమా బ్లాక్ బస్టర్ హిట్‌ అవుతుందని ఫ్యాన్స్‌కు నమ్మకం కలిగింది. ఇక ఈ మూవీ 2 గంటల 39 నిమిషాల నిడివి తో ప్రేక్షకుల ముందుకు రావడానికి సిద్ధంగా ఉంది. ఈ క్రమంలో సెన్సార్ బోర్డ్ ఈ సినిమాకు ఊఆ(UA) సర్టిఫికెట్ ఇచ్చింది. ఈ విషయం కాస్త ప్రిన్స్ ఫ్యాన్స్ చెవిన పడటంతో సోషల్ మీడియాలో పెద్ద ఎత్తున ప్రచారం చేస్తున్నారు. సూపర్ స్టార్ కెరీర్‌లోనే ఈ చిత్రం బిగ్ బ్లాక్ బస్టర్‌గా నిలుస్తుందని ఎగిరిగంతులెస్తున్నారు.