జబర్ధస్త్ కమెడియన్‌కు గవర్నమెంట్ టీచర్ ఉద్యోగం..

దిశ, వెబ్‌డెస్క్: జబర్ధస్త్ ద్వారా తెలుగు ప్రేక్షకులకు పరిచయమైనవారిలో కమెడియన్ గణపతి ఒకరు. ఏపీలోని శ్రీకాకుళం జిల్లా ఆముదాలవలసకు చెందిన ఆయన.. జబర్ధస్త్‌లోకి రాకముందు ఓ ప్రైవేట్ స్కూల్లో పాఠలు బోధించే వాడట. అయితే.. 25 ఏళ్ల నాటి అతని కళ తాజాగా నెరవేరిందని చెప్తున్నాడు గణపతి.

1998లో డీఎస్సీ అభ్యర్థులు ఎప్పటి నుంచో పోస్టింగ్ కోసం ఎదురుచూస్తున్నారు. ఈ క్రమంలోనే తాజాగా.. ఏపీ ప్రభుత్వం వీరికి పోస్టింగ్ కేటాయించింది. వీరిలో జబర్దస్త్ కమెడియన్ గణపతి ఒకరు. ఇక ఎప్పటి నుంచో ఎదురుచూస్తున్న ఆయన కల నెరవేరడంతో గణపతి సంతోషానికి అవధులు లేవు. ఈ సంతోషాన్ని సోషల్ మీడియా వేదికగా అభిమానులతో పంచుకున్నాడు. ఈ పోస్ట్ చూస్తున్న ప్రతి ఒక్కరు గణపతికి కంగ్రాట్స్ చెప్తున్నారు. కాగా.. జబర్దస్త్ వేదికపై కామెడీ చేస్తూ అందరిని నవ్వించిన గణపతి.. ఇప్పుడు గవర్నమెంట్ స్కూల్ టీచర్‌గా పిల్లలకు పాఠాలు చెప్పనున్నాడు.