శ్రీశైలం మల్లన్న సేవలో హీరో గోపీచంద్

దిశ, వెబ్ డెస్క్ : హీరో గోపీచంద్ శ్రీశైలం శ్రీ భ్రమరాంబ మల్లికార్జునస్వామిని దర్శించుకున్నారు. మంగళవారం తెల్లవారుజామున సాంప్రదాయ వస్త్రధారణతో ఆలయానికి చేరుకున్న గోపిచంద్ శ్రీ భ్రమరాంబ మల్లికార్జునస్వామి వార్లను దర్శించుకుని, ప్రత్యేక పూజలు నిర్వహించారు. గోపీచంద్ కు ఆలయ అధికారులు, అర్చకులు ఆలయ మర్యాదలతో స్వాగతం పలికారు. శ్రీ భ్రమరాంబ, మల్లికార్జునస్వామిలకు ప్రత్యేక పూజల అనంతరం అర్చకులు గోపిచంద్ కు స్వామి వారి తీర్థ ప్రసాదాలను అందజేశారు. హీరో గోపిచంద్ రాకను గమనించిన పలువురు ఆయనతో సెల్పీలు దిగి తమ అభిమానాన్ని చాటుకున్నారు.

గోపిచంద్ హీరోగా, కావ్యా థాపర్ హీరోయిన్ గా శ్రీను వైట్ల దర్శకత్వంలో వస్తున్న కొత్త మూవీ 'విశ్వం' దసరా కానుకగా అక్టోబర్ 11న విడుదల కానుంది. తన కొత్త సినిమా విడుదల నేపథ్యంలో గోపిచంద్ శ్రీశైలం శ్రీ భ్రమరాంబ మల్లికార్జునస్వామిని దర్శించుకున్నారు. పీపుల్ మీడియా ఫ్యాక్టరీ, వేణు దోనేపూడి చిత్రాలయం స్టూడియోస్ బ్యానర్ పై టీజి విశ్వప్రసాద్ నిర్మించిన విశ్వం సినిమాపై సక్సెస్ పై గోపిచంద్ గట్టి నమ్మకంతో ఉన్నారు. సినిమా ప్రమోషన కు కూడా అభిమానుల నుంచి మంచి స్పందన రావడంతో చిత్ర బృందం విశ్వం విజయంపై భారీ అంచనాలు పెట్టుకుంది.