ఫ్యాన్స్‌కు గుడ్ న్యూస్.. బుల్లితెరకు అనసూయ రీఎంట్రీ!

దిశ, సినిమా: బుల్లితెర జబర్దస్త్ షో ద్వారా ఫుల్ పాపులారిటీ సంపాదించుకుంది యాంకర్ అనసూయ. ఏకంగా తొమ్మిదేళ్ల పాటు యాంకర్‌గా ప్రేక్షకులను మెప్పించిన ఈ అమ్మడు టీవీకి దూరమై సినిమాల్లోకి ఎంట్రీ ఇచ్చింది. 2022 లో పూర్తిగా బుల్లితెరకు గుడ్ బై చెప్పేసి పుష్ప మూవీతో ఫుల్ క్రేజ్ తెచ్చుకుని వరుస అవకాశాలతో బిగ్ స్క్రీన్‌పై దూసుకుపోతోంది. మైఖేల్, రంగమార్తాండ, పెదకాపు, విమానం, ప్రేమ విమానం సినిమాల్లో విభిన్న పాత్రలతో కనిపించి అందరినీ మైమరిపించింది.

ప్రస్తుతం పుష్ప-2 లోనూ కీలక పాత్రలో కనిపించనుంది. అంతేకాకుండా అనసూయ సోషల్ మీడియాలోనూ యాక్టివ్‌గా ఉంటూ నిత్యం పలు పోస్టులతో నెట్టింట తెగ రచ్చ చేసింది. కొన్నిసార్లు ట్రోల్స్‌ను కూడా ఎదుర్కొంది. ఇదిలా ఉంటే.. తాజాగా, అనసూయ మళ్లీ బుల్లితెరకు రీఎంట్రీ ఇవ్వబోతున్నట్లు సమాచారం. ఓ రియాలిటీ గేమ్ షో చేయడానికి ఈ అమ్మడు సైన్ చేసింది. కిరాక్ బాయ్స్ ఖిలాటి గర్ల్స్ పేరుతో స్టార్ మా చానెల్‌లో టెలికాస్ట్ అవ్వబోతున్న షోకు అనసూయ, బిగ్ బాస్ రన్నరప్ అమర్ దీప్, విష్ణుప్రియ, శోభాశెట్టి, దీపిక పిల్లి, రీతూ చౌదరి, యాదమ్మ రాజు వంటి వారు హాజరయ్యారు.

దీనికి సంబంధించిన ప్రోమో వీడియో వైరల్ అవుతుండగా.. అందులో కొరియోగ్రాఫర్ శేఖర్ మాస్టర్‌తో కలిసి అనసూయ ఎంట్రీ ఇచ్చింది. ఆ తర్వాత సీరియల్ నటీనటులతో కలిసి అదిరిపోయే స్టెప్పులతో స్టేజ్‌ని దద్దరిల్లేలా చేశారు. ప్రస్తుతం ఈ వీడియో సోషల్ మీడియాలో వైరల్ అవుతుండగా.. అది చూసిన ప్రేక్షకులు ఆనందపడుతున్నారు. టీవీలు దద్దరిల్లడం ఖాయం అని అంటున్నారు.