Balakrishna ఫాన్స్‌కు గుడ్ న్యూస్.. ‘Bhagavanth Kesari’ సినిమా రిలీజ్ డేట్ ఫిక్స్

దిశ, వెబ్ డెస్క్: నందమూరి బాలకృష్ణ, డైరెక్టర్ అనిల్ రావిపూడి కాంబినేషన్‌లో వస్తున్న తాజా చిత్రం ‘భగవంత్ కేసరి’. ఇందులో బాలయ్యకు జోడీగా హీరోయిన్ కాజల్ అగర్వాల్ నటిస్తుండగా.. యంగ్ బ్యూటీ శ్రీ లీల కీలక పాత్రలో నటిస్తుంది.

ఇప్పటికే ఈ సినిమా నుంచి విడుదలైన పోస్టర్స్, టీజర్ భారీ అంచనాలను పెంచేశాయి. అయితే ఈ చిత్రం ద‌స‌రా కానుక‌గా ప్రేక్షకుల ముందుకు తీసుకురానున్నట్లు ఇంతక‌ ముందే చిత్ర బృందం చెప్పింది. అయితే.. ఏ తేదీన అన్న సంగ‌తి చెప్పలేదు.

తాజాగా ఈ విష‌యాన్ని తెలుపుతూ చిత్ర యూనిట్ ఓ స్పెషల్ ట్వీట్ చేసింది. ‘‘భగవంత్ కేసరి ఆయుధ పూజతో గీ సారి దసరా జోర్దారుంటది. అక్టోబర్ 19న ప్రపంచవ్యాప్తంగా గ్రాండ్‌గా థియేటర్స్‌లో విడుదల కానుంది’’ అంటూ రాసుకొచ్చారు. అంతేకాకుండా బాలయ్యకు సంబంధించిన ఓ పోస్టర్‌ను కూడా రిలీజ్ చేశారు.