UA సర్టిఫికెట్ పొందిన 'Waltheru Veeraiah'!

దిశ, సినిమా: దర్శకుడు బాబి, చిరంజీవి కలయికలో వస్తున్న చిత్రం 'వాల్తేరు వీరయ్య'. ఇప్పటివరకు ఈ మూవీ నుంచి రిలీజ్ అయిన పోస్టర్, పాటలు, టీజర్, ప్రేక్షకులను ఆకట్టుకున్నాయి. సంక్రాంతి కానుకగా జనవరి 13న విడుదలకాబోతున్న ఈ చిత్రం రీసెంట్‌గా సెన్సార్ కార్యక్రమాలు కూడా పూర్తి చేస్తుకున్నట్లు చిత్ర నిర్మాణ సంస్థ మైత్రీ మూవీ మేకర్స్ వెల్లడించింది. అయితే ఈ సినిమాను చూసిన సెన్సార్ సభ్యులు యూఏ సర్టిఫికెట్ ఇచ్చారని తెలిపింది. దీనికి సంబంధించిన పోస్టర్ నీ కూడా సోషల్ మీడియాలో షేర్ చేశారు.

కాగా, ఈ సినిమాను చూసిన సెన్సార్ బోర్డు సినిమాపై ఆసక్తికర వ్యాఖ్యలు చేసినట్లు తెలుస్తోంది. 'వాల్తేరు వీరయ్య' సినిమా థియేటర్‌లో రచ్చ చేయడం ఖాయం. కచ్చితంగా ఈ సినిమా రికార్డు బ్రేక్ చేస్తుంది. మెగాస్టార్ చిరంజీవి రీ ఎంట్రీ, అభిమానులు ఎలా చూడాలనుకున్నారో ఈ సినిమా అలాగే ఉండబోతుంది. ముఖ్యంగా చిరంజీవి, రవితేజ కాంబినేషన్‌లో సీన్లు డైరెక్టర్ బాగా చూపించారు. ఎమోషనల్, యాక్షన్ సీన్స్ ఈ సినిమాకు హైలైట్‌గా నిలుస్తాయి' అంటూ సెన్సార్ బోర్డు సభ్యులు సినిమా‌పై ప్రశంసలు కురిపించారు.

ఇవి కూడా చదవండి : Mahesh Babu-Trivikram సినిమాలో Allu Arha ?