షారుఖ్ అభిమానినే కానీ అతన్ని ఫాలో అవుతా.. డబ్బు కోసం దిగజారిపోలేను
యంగ్ బ్యూటీ ఫాతిమా సనా షేక్ తన అభిమాన హీరో పేరు ఎట్టకేలకు బయటపెట్టింది.
దిశ, సినిమా : యంగ్ బ్యూటీ ఫాతిమా సనా షేక్ తన అభిమాన హీరో పేరు ఎట్టకేలకు బయటపెట్టింది. విక్కీ కౌశల్ టైటిల్ పాత్రలో వస్తున్న ‘సామ్ బహదూర్’లో ఆమె కీలక పాత్ర పోషించగా.. డిసెంబర్ 1న ఈ మూవీ ప్రేక్షకుల ముందుకు రానుంది. ఈ సందర్భంగా ప్రమోషన్స్ నిర్వహిస్తున్న నటి.. తాజాగా ఓ ఎంటర్‌టైన్‌మెంట్ చానెల్‌కు ఇచ్చిన ఇంటర్వ్యూలో తాను షారూఖ్ ఖాన్ అభిమాని అని తెలిపింది. అలాగే అమీర్ ఖాన్ నటించిన ‘రంగ్ దే బసంతి’, ‘పీకే’ వంటి చాలా చిత్రాలు అతన్ని ఫాలో అయ్యేలా ప్రేరేపించినట్లు తెలిపింది. ఇదిలా ఉంటే.. ప్రజల్లో నటీనటులు చాలా ధనవంతులనే అపోహ ఉందని, కానీ తాను ఇప్పటికీ అద్దె ఇంట్లో ఉంటున్నట్లు చెప్పింది. దిగువ మధ్యతరగతి కుటుంబం నుంచి వచ్చిన తాను.. కేవలం డబ్బు కోసం ఆరాటపడనని, పాత్రల ఎంపికలో జాగ్రత్తగా ఉంటానని స్పష్టం చేసింది.