ఆయన కోసం ఒక్క సెకన్ పాత్రలోనైనా నటిస్తా.. ఫాతిమా ఇంట్రెస్టింగ్ కామెంట్స్ వైరల్

దిశ, సినిమా: ప్రముఖ స్టార్ డైరెక్టర్ అనురాగ్ బసు క్యారెక్టర్ అండ్ వర్క్ కమిట్‌మెంట్‌పై బాలీవుడ్ బ్యూటీ ఫాతిమా సనాషేక్ ప్రశంసలు కురిపించింది. గతంలో వీరిద్దరి కలయికలో ‘లూడో’ అనే సినిమా వచ్చిన సంగతి తెలిసిందే. కాగా మళ్లీ చాలా గ్యాప్ తర్వాత ‘Metro In Dino’ అనే సినిమాకు కలిసి పనిచేశారు. 2007లో వచ్చిన ‘లైఫ్ ఇన్ ఏ మెట్రో’ మూవీకి సీక్వెల్‌గా తెరకెక్కిన ఈ సినిమా 2024 మార్చ్ 29న ప్రేక్షకుల ముందుకు రానుంది.

ఈ సందర్భంగా ప్రమోషన్స్ నిర్వహిస్తున్న ఫాతిమా రీసెంట్ ఇంటర్వ్యూలో మాట్లాడుతూ.. ‘నేను ఈ ప్రాజెక్ట్ ఒప్పుకోవడానికి ఒకే ఒక బలమైన కారణం అనురాగ్ బసు. ఆయనకోసం ఏదైనా చేస్తా. సినిమాలో నాకు ఒక సెకన్ కనిపించే క్యారెక్టర్ అయినా సరే. గుడ్డిగా ఒప్పుకుంటా. అనురాగ్ అంటే నాకు చెప్పలేనంత ఇష్టం. ఒక రోజు ఆయన ఫోన్ చేసి ‘Metro In Dino’ స్టోరీ చెప్పాడు. అయితే ఫోన్ సిగ్నల్ సరిగా లేకపోవడంతో స్పష్టంగా అర్థం కాలేదు. అయినా నేను సినిమాకు ఒకే చెప్పాను. అతనిమీద నాకున్న నమ్మకం అలాంటిది. ఇందులో ఆయన నా క్యారెక్టర్‌ను మలిచిన తీరు అద్భుతంగా అనిపించింది’ అంటూ తనదైన స్టైల్‌లో పొగిడేసింది సనా. ప్రస్తుతం ఆమె వ్యాఖ్యలు వైరల్ అవుతున్నాయి.