Dulquer Salmaan: ఈ జర్నీ ప్రారంభించడం పట్ల ఉత్సాహంగా ఉన్నాను: దుల్కర్ సల్మాన్

దిశ, సినిమా: రానా దగ్గుబాటి స్పిరిట్ మీడియా, దుల్కర్ సల్మాన్ వేఫేరర్ ఫిల్మ్స్‌ కొలాబరేషన్లో మోస్ట్ ఎవైటెడ్ మల్టీ లింగ్వల్ ప్రాజెక్ట్ ‘కాంత’. హైదరాబాద్‌లోని రామా నాయుడు స్టూడియోస్‌లో పూజా కార్యక్రమాలతో గ్రాండ్‌గా ప్రారంభమైంది. విక్టరీ వెంకటేష్ ముహూర్తపు సన్నివేశానికి క్లాప్ ఇచ్చారు. సెల్వమణి సెల్వరాజ్ దర్శకత్వం వహిస్తున్న ఈ చిత్రంలో దుల్కర్ సల్మాన్‌కు జోడిగా భాగ్యశ్రీ నటిస్తోంది. ఇందులో సముద్రఖని కీలక పాత్ర పోషిస్తున్నారు. ఈ సినిమా ఈ రోజు చిత్రీకరణ కూడా ప్రారంభమౌతోంది.

1950 మద్రాస్‌ బ్యాక్ డ్రాప్‌లో హ్యూమన్ రిలేషన్స్, సోషల్ చెంజెస్ ని ఎక్స్ ఫ్లోర్ చేసే గ్రేట్ సినిమాటిక్ ఎక్స్ పీరియన్స్ గా ఈ సినిమా ఉండబోతోంది. రానా దగ్గుబాటి మాట్లాడుతూ.. ‘‘కాంత కోసం వేఫేరర్ ఫిల్మ్స్‌తో భాగస్వామ్యం కావడం ఈ ప్రాజెక్ట్‌కి కొత్త డైమెన్షన్ ని యాడ్ చేసింది. క్యాలిటీ సినిమా పట్ల మా విజన్ ఒకేలా ఉంటుంది. సురేశ్ ప్రొడక్షన్స్ 60వ యానివర్సరీని పురస్కరించుకుని, స్పిరిట్ మీడియాతో కొత్త శకానికి నాంది పలికేందుకు పర్ఫెక్ట్ మూవీ’’ అన్నారు.

హీరో దుల్కర్ సల్మాన్ మాట్లాడుతూ.. ‘‘స్పిరిట్ మీడియాతో 'కాంతా'తో ఈ జర్నీ ప్రారంభించడం పట్ల ఉత్సాహంగా ఉన్నాను. ఇది మానవ భావోద్వేగాల లోతులను ఆవిష్కరించే అందమైన లేయర్డ్ కథ. ఒక నటుడికి పెర్ఫార్మెన్స్ చేయడానికి చాలా స్కోప్ ఇస్తుంది. ఈ సినిమాకి ప్రాణం పోసినందుకు నేను థ్రిల్ అయ్యాను’’ అని చెప్పుకొచ్చాడు. అయితే ఈ చిత్రం తెలుగు, మలయాళం, తమిళం, కన్నడ భాషలలో విడుదల కానుంది. త్వరలోనే ప్రాజెక్ట్ కి సంబధించిన మరిన్ని వివరాలు తెలియజేయనున్నారు మేకర్స్.