‘తొలిప్రేమ’ సినిమాకు Pawan Kalyan తీసుకున్న పారితోషికం ఎంతో తెలుసా..?

దిశ, వెబ్‌డెస్క్: పవర్ స్టర్ పవన్ కళ్యాణ్, కరుణాకరన్ దర్శకత్వంలో 1998లో తెరకెక్కిన ‘‘తొలిప్రేమ’’ చిత్రం అప్పట్లో బాక్సాఫీస్ వద్ద భారీ వసూళ్లు సాధించింది. బ్లాక్ బస్టర్ హిట్ కొట్టిన ఈ చిత్రం విడుదలై 25 ఏళ్లు పూర్తి చేసుకున్న సందర్భంగా అభిమానులకు చిత్రయూనిట్ శుభవార్త తెలిపారు. ఈ సినిమాను ఈ నెల 30వ తేదీన రీ రిలీజ్ చేయనున్నట్లు ప్రకటించారు. ఈ నేపథ్యంలో చిత్ర బృందం ప్రెస్ మీట్ నిర్వహించారు. ఆ ఈవెంట్‌లో నిర్మాత జీవీజీ రాజు మూట్లాడుతూ.. ‘పవన్ ప్రస్తుతం ఒక్కో మూవీకి దాదాపు రూ.50 కోట్ల వరకు పారితోషికం తీసుకుంటున్నారు. కానీ తొలిప్రేమ సినిమా కోసం పవన్ లక్షల్లోనే రెమ్యూనరేషన్ తీసుకున్నారని నిర్మాత తెలిపారు.

‘సినిమా పూర్తయిన తర్వాత నేను ఇంత రెమ్యూనరేషన్ ఇవ్వగలనని చెప్పాను. అందుకు పవన్ సరే అన్నాడు. షూటింగ్ కంప్లీట్ అయ్యాక మనీ ఇవ్వాలా అని అడగడంతో మీ ఇష్టం ఎప్పుడైనా ఇవ్వండి అని చెప్పారు. కాకపోతే ఆయన కొంచెం నా ఖర్చులకు ఇవ్వమని చెప్పి అడిగి తీసుకున్నారని.. అలాగే చిత్రం విడుదలయ్యాక రెండు రోజులకు మిగిలిన పారితోషికం మొత్తం ఇచ్చామని’ జీవీజీ రాజు వెల్లడించారు. ప్రస్తుతం నిర్మాత కామెంట్స్ వైరల్ అవుతున్నాయి.