ఇండస్ట్రీలో తీవ్ర విషాదం.. టాలీవుడ్ స్టార్ దర్శకుడు కన్నుమూత..!

దిశ, సినిమా: ఇటీవల ఇండస్ట్రీలో వరుస మరణాలు చోటుచేసుకుంటున్నాయి. తాజాగా నటి కళ్యాణి మాజీ భర్త సూర్య కిరణ్ అనారోగ్యంతో తుదిశ్వాస విడిచారు. గత కొన్ని రోజులుగా కిరణ్ పచ్చ కామెర్ల వ్యాధితో బాధపడుతున్నారు. అది మరింత పెరగడంతో సోమవారం చైన్నైలో కన్నుమూశారు. సూర్య కిరణ్ ఒకప్పుడు తెలుగులో బ్రహ్మాస్త్రం, రాజుభాయ్ సత్యం, ధన 51, వంటి సినిమాలకు దర్శకత్వం వహించారు. కేరళాకు చెందిన ఈ నటుడు మలయాళ మూవీల్లో నటించి మంచి నటుడిగా గుర్తింపు సంపాదించుకున్నారు. 1986 లో మెగాస్టార్ చిరంజీవి హీరోగా నటించిన రాక్షసుడు సినిమాతో టాలీవుడ్ ఇండస్ట్రీకి ఎంట్రీ ఇచ్చాడు. తర్వాత సంకీర్తన, ఖైదీ నెం 786, దొంగమొగుడు, , కొడవీటి దొంగ వంటి చిత్రాల్లో ముఖ్య పాత్రలో నటించాడు. ప్రస్తుతం సూర్య కిరణ్ మరణవార్త విన్న మలయాళ, తెలుగు ఇండస్ట్రీ నటీనటులు సంతాపాన్ని తెలియజేస్తున్నారు.