NTR: మాస్ జాతర షురూ.. ఎన్టీఆర్ ‘దేవర’ ట్రైలర్ వచ్చేది ఆ రోజే!

దిశ, సినిమా: టాలీవుడ్ స్టార్ హీరో ఎన్టీఆర్ నటిస్తున్న మోస్ట్ అవైటెడ్ పాన్ ఇండియా మూవీ ‘దేవర’. ఈ సినిమాను స్టార్ డైరెక్టర్ కొరటాల శివ తెరకెక్కిస్తుండగా.. యంగ్ బ్యూటీ జాన్వీ కపూర్ హీరోయిన్‌గా నటిస్తోంది. అయితే ఈ సినిమా భారీ అంచనాల నడుమ సెప్టెంబర్ 27న థియేటర్స్‌లో విడుదల కాబోతుంది. ఇప్పటికే దేవర నుంచి విడుదలైన పోస్టర్స్, గ్లింప్స్, మూడు సాంగ్ సూపర్ రెస్పాన్స్‌ను దక్కించుకున్నాయి.

తాజాగా, మాస్ జాతర మొదలు కాబోతున్నట్లు వార్తలు వైరల్ అవుతున్నాయి. దేవర ట్రైలర్ విడుదలకు డేట్ ఫిక్స్ అయినట్లు సమాచారం. మేకర్స్ సెప్టెంబర్ 10న విడుదల చేయబోతున్నట్లు తెలుస్తోంది. 2 నిమిషాల 45 సెకన్లు ఉన్న ట్రైలర్ అంచనాలను రెట్టింపు చేసేలా ఉండబోతున్నట్లు టాక్. యూట్యూబ్‌తో పాటుగా ఎంపిక చేసుకున్న థియేటర్స్‌లోనూ ప్రదర్శించబోతున్నట్లు తెలుస్తోంది. దీనిపై అధికారిక ప్రకటన విడుదల కావాల్సి ఉంది.